過埋一陣戈科,我就係神仙...語概,你真係令我又愛又恨 -_-
連最難捱戈科國文我都捱過左,我就唔信我會衰係你手上
不過...睇黎我今日真係冇咩MOOD溫習
今日跳舞八點就走得,因為個個都未溫曬語概,哈哈~
有人話覺得語概同聲韻係中文系既兩大鬼門關,唔知會唔會應驗係我身上呢?
無論如何,我聽日都會抱住視死如歸既心情去考,即使自己到3:16AM都未溫曬...
係大約12點幾既時候,我終於忍唔住喇,我唔想再活在語概既世界
我要出去抖下氣...
於是我就搵左+2出去陪我食M記
唔係因為肚餓,純粹係唔想溫習驅使
我一直同自己講,過埋聽日就完...完完完,其實永遠都唔會完
我唔係因為聽日係最后一科而心散鬆懈,而係我已經冇力去溫
我想知道我呢個學期做緊咩???定係我上個學期太過認真???(應該唔係)
哈哈哈 XD 我唔知...
唔洗溫習既時光最美好,傾傾傾...傾到2點左右就番去
行到去研一戈邊,遙望到有2隻狗係大一女樓下移動
我同+2都心知不妙,決定稍移玉步行B橦戈條樓梯...
係我地兩個都懶鎮定又差唔行到去樓梯既同時,三隻狗向住我地衝過黎
此時...+2抑揚頓挫,由下而上地發出佢既尖叫聲
而我就異常鎮定地企左係到,緊閉雙眼等隻狗咬我 =_= (我其實係驚到出唔到聲)
之後先知道原來佢地係到用好暴力地玩緊...
我就捉住+2往鹿鳴堂方向走...離開左佢地視線範圍之后,我地一直向前狂奔去7-11
向后望...佢跟住我地呀...唯有加速
幾經辛苦終於去到有人既地方,跑到我地索曬氣
諗住可以走啦,點知一推開門,+2同隻狗對望...
嚇到我地唔敢走,足足係7-11逗留左10分鐘左右
最后由+2既護花使者送我地番大一女
奇怪的是...護花使者黎左之后,D狗冇出現過 = = 唔通...
比狗嚇完,猶有餘悸,搞到我送完+2番宿舍之後都仲有D驚驚地
成個人醒曬,番宿舍繼續溫習...
PS : +2話從來都冇見過我咁驚,仲話我跑得幾快,哈哈XD
估唔到驚真係可以激發到我既潛力,可能我最驚既就係狗 (到今日先發現)
同埋,你真係叫得好誇張 @_@ 五樓都應該聽到 (可謂直上干雲霄)
>> 一世我也要考試
>> 今天起睡得夠最重要
>> 誰願欠我一世人間散步
>> 輸光自尊也鬥下去 壓力大得慾望都失去
文章定位：
人氣(67) | 回應(2)| 推薦 (
0)| 收藏 (
0)|
轉寄
全站分類:
不分類
