2005年4月16日 天氣︰有微雨、暖、有風
今日小妹同左楓、DaDa、嘉良去左睇戲呀…
因為槐有4張免費戲票…
兩張係 “暴火線13”…
另外兩張係 “公私密友”…
原先講左小妹睇後者…
點知…
小妹約左DaDa 11點40分係大埔火車站等…
諗住2個男人都冇咁快得閒ga啦…
皆因一個去補習到12點咁上下…
另一個就同呀Jenny (林璋玲)去九龍塘講talk ….
講左要差唔多12點半ga ma…
鬼整佢2個平時都冇咁早…
未夠鐘就打左比我地…
一個係火車站等緊…
嘉良就行緊過去火車站…
真係有小小不可思義呢….
到左沙田站…
眼見係車箱門外ge楓縮縮下…
個樣好似好凍咁…
車內著住外奪ge DaDa 同我都忍唔住係咁笑…
等佢入左黎仲不停咁話我地好暖….
攪到佢…
冇聲出….
之後大家就去湊呀小嘉良啦…..(因為佢最細…ke ^^)
狂歡3寶就開始係車內傾計…..
寧靜ge一刻…
楓突然係咁笑….笑到面都紅埋…
好奇ge2個女人就問佢咩事啦…
佢就話︰…
“ 頭先係補習社個頭撞到個女仔…”
“我一拎轉身…個頭大力呾撞到佢…”
要知道…加上佢現場ge動作---大力將個頭從後撞向頭…
就好似頂波咁…
抌到我同DaDa係咁大聲笑…
之後我地就問… “你係咪想錫個女仔呀???好靚ga??”
佢話… “唔知呀…我只係見到佢人 2頭頂…黑mum mum的…”
2人又狂笑…問---“你係咪個咀啜向佢呀??”
佢… “唔係…”
之後2人… “你見到佢頭頂…姐係佢高過你啦…
咁姐係你個咀係佢鼻鼻個位呀??你啜佢個鼻??”
佢話… “kakaka…一定要啜晒佢d黑頭出黎…”
回應咁嘔心ge答案…最好ge方法就係…
三人狂笑…
呢個笑話太好笑啦…所以一定要記下…kaka ^o^..
見到嘉良啦…
佢第一句就話…好累呢…
我地係笑…因為…
佢講得淫淫的….
到左站…
女人就跟住男人行…
皆因佢地成人話我地行錯路…
行行下…佢地2個都唔知行左去邊…
事實証明…男人都唔係個個認得路呢…
最後咪又係女人有用d….
DaDa ho!!
由於一路上…
2個男人ge步伐太快…好似趕住去唔知做咩…
2個女人就一路望住佢地ge背後….
行到咁上下…係時候轉彎入港威時….
係街頭ge我地…
眼見前面2個自稱型男ge男人…
發雞瞎咁… “chick” 到地下一線好似手指尾ge電線….
眼見小電線被抄起…
說時遲那時快…
2個所謂型男飛到半空…
向前一仆…
可能佢地ge體積大…
未會向前衝….
2個女人大叫左一聲---“嘩”…之後就狂笑…
仲要係企左係度大笑…
冇計啦…2個男人今次真係型到跌渣…
相信每次睇番呢度…
小妹都會笑死…
皆因小妹係人生中ge19年黎…
從未見過有人跌得咁精彩…
絕對值得回味…
去到港威…發現….
世上冇免費午餐….
小妹手中的票子中的電影…
已經落畫了….
4小福(良爆)諗左好耐…
都唔知點好…
之後物主蔡先生先發現係海運先用得呢….
咁咪行過去lo…
之後本應話睇 “湊仔型警”…
但最後大家不敵金錢…
小福們夾錢錢買多2張票睇 “爆火線13” 连文盲ge DaDa係咁讀…
鬼正又要返去港威睇…
行返成條街….
餓餓地…
走去M記買野食…
行到去商場門口…
男人叫我地收埋d野食…
咁咪做lo…
野食唔入得場ga ma…
完事一行出門口…
小福們都呆左…
對面原來就係戲院門口…
比人睇到晒…
男人加女人原來係咁叻ga…
唔….小妹認為呢套戲好嘔心….
大部份都係血黎ge….
仲有呀…成個院加埋都唔知有冇10個人睇呢….
仲有呀仲有呀…
明明前一行有4個人買左ga ma…
唔知去左邊呢…成場都冇人坐呀~~~
睇完呢….
小福走左去打機…
之後..行左一陣就出左去姑姑度啦…
無計啦…太耐冇見小妹的另一半…
之後好夜先返屋企呀…
文章定位：
