2005年3月28日 天氣︰大致上係晴，間中有雨，炎熱
呢2日(27、28)小妹同左屋企人去旅行….
小妹都好耐冇出去玩下啦~~~
特別係同屋企人tim….
雖然係平平地返大陸(惠洲)玩下….
但係….
小妹玩得好開心bor…
可能係個行程令到小妹放鬆啦…
唔知呢… (.._..)
等小妹詳細咁講下呢2日ge行程先….
第一日(27號)︰
羅湖關口迳 “世紀風”名家畫廊一條街(原創油畫的集中地)迳
惠洲步行街(著名商業步行街)迳 午餐(客家風味宴)迳
最新的農家莊園溫泉渡假村----莊加莊(無限次任浸日式山林溫泉區)迳
晚餐(莊園地道宴)迳 晚上更安排觀賞獨特的苗家篝火晚會迳
農家地道奔豐富宵夜迳 入住農家莊園別墅
第二(28號)︰
酒店內早餐迳 享受渡假村內設施(野菜園、釣魚場、籃球場、卡拉OK、桌球臺等等)
迳 午餐(增江河鮮宴)迳 正果寺(參觀千年名寺)迳 銅鼓山風景區(石形如銅鼓，拍手會
發出銅鼓齊響)迳 羅湖關口送團
第一日真係好辛苦…..
要知道小妹出名鍾意訓ga ma….
果日要成5點半到就起身bor….
小妹真係想死….
鬼咁頭痛…..
不過都係起左身…
神咁早就去左羅湖關口報到…
果時得7點咋….
係咪好左d呢又….
不過冇計啦…
同行ge(大姑姐一家5口…包埋呀爺…仲有美姨姨同姨丈)都住係九龍果邊….
由於早得濟…小妹冇胃口食早餐…..
本應8點正準時出發ge…..
鬼整有成13個人遲大到…..
成半個幾鐘呀…
大人大姐…
遲到當必然….
都仲有d咁ge港燦…..
過份….
之後去左名畫街….
原來…真係得一條街…..
果度賣ge畫都係膺品…..
靚都冇用啦…..
之後又去左惠洲步行街….
由於呢個團係以農家生活做賣點….
所以…所有事、物都要以農家ge角度去睇~
條街係幾多野睇…
不過唔埋小妹lo.. keke ^^
佢邊仲有個惠洲西湖….
被喻為4大西湖之一…
雖則睇落去咩都冇….
不過…如果仲記得中4、5 ge中文書中ge大明湖….
用返作者果種角度去睇….
又真係感受得到另一番風味….
水平如鏡…
睇住個湖呢…個心境就好平靜咁lo…
之後呢….食飯仔….呢餐冇咩特別….唔講啦…
好啦….之後真係入到莊園啦….
因為呀導遊哥哥-----峰一早同我地講左….
呢度係”農村”ge”5星級的家”….
姐係我地需要用次一級ge角度去評審….
千祈唔好抱太大期望….
一入去…好鄉村感…..
好純樸….好舒服…..
個人好似釋放左咁….
(好似好誇張呀~~kaka)
跟手…..
遲到班人真係好討厭…
峰走左去拎房…都唔夠2個字…
班人就又吵又鬧…..
好心啦….
我地等你成半個鐘都唔出聲…
你地等果一陣就鬼殺咁嘈….
過份得很呢~~
入去就搵小妹同小妹的表妹(呀怡/ 姨/ 樹)的房間….
o…..太驚人啦….
係一間位於半山上的小屋呢~~~
十足的渡假感覺呢~~~
紅色的小屋~~~
平房黎ge….
有一條長長的梯….
由下望上去….正!
由上望落去….靚!
不過….岩岩睇就好玩呢…..
小妹成日要走黎走去…好似隻馬騮咁呢…
真係好鬼累ga….
下下行成幾廿級樓梯….
But….. Still enjoy!!
攪掂晒d野….就齊齊去泡熱水lu~~~
小妹唔睇作係溫泉….皆因….
抱咁大希望做咩呢….
係浸ge就去日本….
係啦…..
同d呀太呀叔一齊浸….
Wor….
雖則唔係第一次玩…
不過….都仲係覺得好熱…
冇計啦~~成40-45度呢…..
著住件泳衣呢….
玩左成半個鐘度…
小妹同呀樹就去左玩第二樣野啦…
2條友拎埋表弟(呀John/細佬)通山走…..
3個人忍唔住…
走左去踏單車…..2人一齊果姐呢….
不過大家都攪唔掂部車…..keke ><
細佬又叫左我地去篤波….
小妹都係第二次玩….
不過可以講句….
大陸的波….唔好玩….
同香港差好遠…..
玩到咁上下…
就打鐘食飯lu~~~
幾攪笑ga…
食飯個view 幾正ga~~
係個小湖中間….
D野好好食呀~~又唔肥呢…..
小妹一家10口.…食左人地好多野呀…
係咁加菜…..爆笑呢~~
食完飯呢….
有成個鐘先去篝火會….
呀娘同呀爹佢地又唔知走左去邊…
小妹同姑姑(姑姐)就走返上山….
突然 boom 咁一聲…..
原來有人放煙花….
之後走左去睇啦….
原來係呀爹同姨丈….
由於之前比人嚇親….
覺得放煙花(唔係用手拎住細細枝果d)係極度危險ge….
所以小妹行埋一二面睇lo….
只係睇都好開心….
同時…
又諗起男人成日都話想同小妹放煙花…
於是就打個長途電話比男人啦….
鬼整佢返左大陸….
叫我打另一個no. …..
我有照做…..
不過唔知點解打唔通….
咁咪打返佢手提lo…
點知講左2句…..
佢就好惡咁話”你唔可以打另一個電話ga 咩…”
“叫你做又唔做….妖”
之後就收左線…..
小妹本應好開心…..
想打比男人講2句…
話佢知我玩緊佢好想我試ge煙花….
點知….
變成咁樣….
小妹ge心情由谷頂跌到落谷低…..
唉….攪成晚都唔舒服……
為咩呢???? *o*
煙花…係空中閃閃下…
又係幾靚ge…..
有一隻唔知咩黎ge…
係個地下度轉轉下之後會彈左上半空….
個個人次次都怕佢落返落個頭度…
個個都四圍走~~~
好攪笑….
之後….就到篝火晚會…..
原本諗住好兒戲ge….
點知….精彩到…..
你估唔到係農村有咁多野睇呢…..
有舞蹈、雜技…….好多ga bor….
都唔知點描述tim….
睇返帶啦到時…..ke ^^
之後去食宵夜…..
個個都話好飽ga…
不過唔知點解又食左4大窩粥、一大窩菜同3大碟麵lo….
之後….大家都返小屋….
唔夠一個鐘….
小妹攪點晒d野就訓lu….
我諗12點半瓜….
第二日…
呀怡…..訓唔到…整訓左懶訓ge小妹….
跟手…..細佬走過黎Morning call…..
唔….神吉咁早….3條友又走左去篤波….
跟住唔夠3個字….
又走去食早餐bor….
大家都唔知咩事….
早餐都食好多野呀下….
又再3大窩粥、一大碟包、一大碟小點(似草餅的)、3大碟麵…..
真係……好誇張…..
之後…大人就去左浸溫泉….
我地3隻小妖就去左玩lo….
依舊都係玩波波lo….
仲要一邊聽住d呀太同小妹妹唱著走音的歌…..
真係….想死
玩到咁上下….
食飽飽就走人lu…..
跟住ge都係參觀為主….
冇咩特別…
不過都係宗教ge野….
佛教呢….
橫點冇咩特別….都係唔講lu….
好啦…之後就走啦…..
返香港呀….
點知…去到半路….
爆軩啦bor….
3個小妖就諗緊….
會唔會係因為後面有幾個肥太先攪到咁呢….
佢地就真係….
肥到……
差d坐唔到果姐呢…..
之後就慢駛到寶安機場附近換軩….
不過都慢駛左幾個字….
唔….果樹呢….
除左機場好靚之外….
周圍都唔太差…..
仲有呀….寶安係呀娘鄉下啦ma….
咪望多幾眼lo….
唔….
之後又勇往直前lu…..
返到香港….
小妹一家3口食m記當晚飯…..
差別真大呢….
大體上呢….
小妹都覺得呢次幾好玩….
好休閒咁過左日半….
除左係車度….
討厭d呀太….太多咀….
人地講野果時又唔聽….
聽又聽錯晒….
聽完又要問….
問又問好多次….
攪到峰都冇佢咁好氣…..
講埋d得佢自己先覺得好笑ge笑話…..
無聊…..
又嘈wor 佢地…..
笑到好似叫救命咁….
小妹都係第一次見….
遲d小妹諗呀娘都會叫小妹再去玩ge~~~
唔豬呢….keke >u<~
最後...由於呢個係純玩團....
所以冇買到手信比朋友呢....sor....
文章定位：
