2005年3月23日 天氣︰晴，有太陽，夜晚有雨
今日又係陸運會…
係第二日ge賽事…
今日真係好啦，小妹唔洗咁早起身同出街街…
今日約左DaDa7點係m記食早餐~~~
係果度見到我親愛的幹事們…
佢地都好乖….
冇遲到…又肯幫手…
真係好啦~~~
今日就真係勁啦~~~
幾多野做呀…
先先就係100米跨欄…
之後係推波波(鉛球)…
then 係社際4*100…
跟住有學會接力4*100(戲劇)…
最後係耍太極~~~
一早返到去…集完隊就開始預備比賽啦…
講真….小妹好驚ga…
都冇諗過贏ge…
諗住唔仆係度就係好ga啦…
要知道…跨欄….
冇人玩過ga….
咁岩呀姿(關韻姿)傷左唔出得賽…..
心諗….跑晒佢就得ga啦…
之後就係咁衝….
第一下差d差錯腳…
驚驚…..
好彩之後越跑越順….
傻下傻下咁就贏左冠軍啦….
Mike mike 走左去跑800同400米….
但係可能佢唔豬服啦….
衰晒…
比6s威晒…
小妹我打氣都冇用~~~ *.*
之後到推波波啦….
一睇….
果果都好勁咁樣….
個波波又重bor…
小妹咁細粒都諗住唔係好得ga啦….
大佬…個波波4kg…..8.8g呀…
姐係好似小妹個頭咁重ga啦…我諗….
諗諗下…拎住自己個頭黎丟都幾攪笑….kaka ^o^
我係第一個推ge…
起先見到大家都係我前面d ge位置(d 記號)…
都幾興奮…
皆因有機拎獎ma…
直到佢出現…
肥dudu ge王綺華….
佢真係….大力到…
差成條街呢…..
到到呀倫(葉晃倫)出現….
我又多個人要怕….
結果….
到最後….
由本小姐遠呀倫一隻手指尾咁多多ge距離….
拎走左呀倫手中ge銅牌….
好險呢….
仲有呀~~~其間DaDa跑緊100米….
不過….第一lo…
倒轉….咁解姐….
唔好mind呀…. ︰P
推完波波放低d野…又去跑4*100…
好彩又有3個超強ge隊友….
係呀源、呀倫同呀芹…..
佢地真係…又令到小妹拎金牌就知咩事啦~~~~
到下午….食lunch果時….
成大班6a加呀東(黎亦東)走左去合泰食…..
合泰查實係楓屋企人開ge~~~
so….佢要招呼我地~~hoho~ (.._..)
唔知係因為我地熟定係咩呢….
佢間唔中都幾論盡….kaka~
做到死咁濟….
之後呢…
就跑學生會杯啦~~~
原本佢地諗住唔跑ga…
不過之後都係去作戰啦~~~
都好~~~
我地都唔係第一，係第二….
不過又係倒轉黎數…….
Then….太極表演啦….
唉…..好醜呀….
本黎好熟ga ma…..
鬼,整….
腳仔軟…企唔穩…跌下跌下….
唉…攪到唔好睇….
仲話精英….
精咩鬼呀….
好啦….到last 啦….
楓同Mike mike 一早同左我地講….
我地唔係第一就第二…..
因為我地差一分之ma之前….
到左睇分果時….
嘩…..
眼都突埋……
殺出個程咬金…….
比德社拎左全場總冠軍…….
我地明社得男子全場總冠軍….
而道社就係女子全場總冠軍…..
女甲1、2、3係呀芹，唔知邊個同呀源….
男甲係楓、lo day(勞逸)同唔知邊個…..
都好~~~6a吐氣洋眉…..
唉….真係….好激烈呀呢2日….
除左中1果時….都好耐冇試過咁投入啦….
成6、7年啦….
算係咁啦….
今年小妹做社長…..
大家明社人都咁多獎拎…..
係咪咁講先~~ke~
做返個總結先….
中一第一次玩果時全部包尾…..
中六最後一次(中7冇ga啦~)玩有3金1銅……
4*400 (明社)--------金
4*100 (明社)--------金
100米欄-------------金
推鉛球---------------銅
4*100 (戲劇學會)—無
今年真係光輝的一年~~
真係好開心ga~~~~
仲有呀~~
呀雪(蘇靖雪)之前係話劇果度有隻舞好攪笑ga…
依家我地成日令黎玩….
大部份中6同明社人都試玩ga啦….
好好笑ga…
文章定位：
