24h購物| | PChome| 登入
2002-05-28 19:10:01| 人氣48| 回應0 | 上一篇 | 下一篇

" NIL + PASS "

推薦 0 收藏 0 轉貼0 訂閱站台

今日第三次考車(唔係一日考三次)
好緊張
我個臨時牌己經過左期成大半個月
呢大個半月已經唔可以再學車
(雖然我考前都偷雞學左一堂)
考前師父都照例講句”你得架啦.路試好難講既.得就得.唔得就唔得.好多因素”
佢呢句野講第三次.三次我都覺得佢冇講過野

到考場
坐係車度等考官既感覺真係唔好受
梗係覺得個位唔係好岩咁
考官上到車
第一句就”午安”咁
真係有D嚇窒.好嚴厲咁樣...

到開車
我先覺今次好好彩
佢冇打開本簿一路考一路睇
咁樣冇咁大壓力
因為你每見佢拎起筆
你都會打個冷顫

呢個考官好好人
好到太可怕啦
佢一路上係咁教我開車
第一句就問”你有冇行過呢條路?唔熟既話問我喎.我可以教你行喎”
我當時係度唸...”佢係咪教車師傅上錯車呀...”
咁都未算
之後仲恐怖
佢一路講住
”多D望兩邊.多D睇鏡.留意四周D人同車既動向.睇遠D”
”小心D盲點.望多D鏡”
”轉呢個彎留言右邊既車”(這時我個彎入遲左.差D壓左過隔離線)
”唔駛刻意咁慢.好似平時咁就得啦”
講真...佢教既野仲多過個教車師傅
個師傅都冇教得咁仔細

行完個圈
唔之點解
硬係覺得呢個圈好快...就好似因為我上次一早就S左(S=FAIL)所以求其行個圈就算咁
我係報到室門口等結果
我既心情就好似係產房門口既準爸爸咁....仲要就之前過幾胎都冇左
我唸到今朝要番工...好累...冇乜力開車....考試果陣都傻下傻下...
我又唸到個圈咁快行完...唔妥...
再唸下佢講咁多野...就好似暗示我唔識開車咁...
再唸下我個牌...過左期...
真係唸到出晒汗......連汁都出埋...

嗌到我個名(當然唔係咩浮冰呀...咩鴨呀...咁啦)
接過張成績單....
PASS....我立即問我師父”我係咪唔駛再考啦?”
佢答係(佢個表情好矛盾.因為佢既學生PASS左...同時佢冇左個大客仔...一個可能會幫襯佢多幾次既大客仔...)

點都好
我PASS左
我呢生人隨左當年既學能測驗有D成績之外...都冇乜考試係滿意過...
依家終於有啦
好開心
真係好開心
(開心到踩住師父位個BREAK攪到死火)

我要檢舉
台長： 相機後的帝皇企鵝

您可能對以下文章有興趣

人氣(48) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 散落在這裡的是回憶... |
此分類下一篇:上環的OL : 某一日的流程 #1
此分類上一篇:大一外景2 - 海防好很熱

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文