五重感光認知界限 請把叫感動的寶物 藏在叫回憶的盒子裡 別讓時間頑皮的把它弄丟了 \/\/\/\//\/\/\/\/\/\/\/\/\/\/\/\/\/\/\/\/ 留言版關掉了 左跳右跳的很煩人 直接留在文章內就好了 多謝你的到訪哦

1,104愛的鼓勵 0訂閱站台

話說2002年的某一日
當時約為下午4時…
本人正在公司上班
正工作得累了…想到洗手間小睡片刻(我會坐在水箱上小休)
而因為本人渴睡心切…於是決定不繞一圈從正門出去…而像往常一樣飛身挎過”接待處”的柜檯直接出去…
可惜…本來工多藝熟的的動作”凌空翻騰五周半落地滿分”…真次竟然失手…
我隻腳踢跌左放在柜檯上的一盤膠花…盤花立即彈開十米再”食”左入幅牆度...
呢盤花係”行政部”經理…咩小姐十分喜愛的…而這位咩小姐又正是老闆十分喜愛的…
當是我個心臟同埋個腦就好似浸左係液態氮入面咁...FREEZE~~~~~~~~~
目擊者只有我阿頭一個…佢睇住我呆左…然後叫我”拿拿聲汁番上泥啦!”
當我打爛左之後...我就同經理一齊汁番佢上泥..一睇...直情係分開左2邊呀佢...
我打爛左個花樽之後...做左好多功夫掩飾我既罪行架…
首先拿拿林搵膠紙貼住先...再將D花左擰右擰...慕求可以遮多D視線..冇咁易俾人睇到…
不過….用膠紙痴左兩日...我發現個好大既問題...就係個花樽位置係門口右手邊柜檯上...都有我心口低少少咁高..(我係懶去開門.爬出去果時整跌個花樽)...由我既高度望落去都唔覺既...問題係我老闆..好矮..同個花樽成水平線..而且好中意企係個花樽隔泥...一定睇到...
於是我係OT得番我一個人果時...重新幫佢做手術...
首先幫佢痴過D膠紙...點知..一ME起D膠紙..死火...痴甩左D色呀(花樽係好深既啡色.甩左D色變左白色一條條紋)...典算呀..
我唸唸唸唸唸...終於唸度...我檯面就有幾知箱頭筆...我搵箱頭筆油左D白色去...不單遮住俾膠紙痴甩果D地方..仲蓋過繼口位D裂痕添~就咁睇真係睇唔出呀~
不過仲有一點...就係膠紙會反光…不過仲叫呃得下人啦…
係我打爛花樽之後...既2個星期左右啦...我既手工受到一次嚴峻既考驗...
我老闆個女..間唔中會上泥公司既...
事先聲明...佢仲矮過佢老豆...岩岩好高過張柜檯架姐...
佢上到泥啦...我都心知不妙...不停咒佢唔好行過泥呢邊...
點知佢真係行左過泥...連佢老頭(老闆)都行埋過泥添...
我老闆係盆花既右邊...佢個女係左邊..夾住盆花...佢地係度傾計..
果時我既腎上腺素開始飆升...額頭有D汗...我望到實一實..唸住隨時咋暈....
點知個死女包真係申個頭埋一埋咁睇盆花...仲搵手摸D葉添...
果時我心跳真係有200下/一分鐘.面都 紅埋...
心只係唸3樣野..1係:死梗啦...2係:阿媽冇教你唔好咁多手架咩...3係:搵個機會整跌盆花.嫁禍俾個死女包...
個死女包大概玩弄左盆花..同埋我既脆弱心靈..1分鐘左右...佢終於玩夠行開左...
果1分鐘..我真係差D就死係公司...唔知咁算唔算因工死亡?保險有冇得陪架??
最後我有3個結論...解釋今次事件(我指佢咁都睇唔到)
第一...D膠花太靚.搶晒鏡...令人留意唔到個花樽
第二...我既工夫實左做得太完美...鬼斧神工鬼斧神工...恐怕要搵專家先睇得出~
第三...個死女包係老闆個女..所以一樣都係低能既
故事咁就講完...手都軟呀打到...我唸番起呢件事...就因為有個同事生日...我係度唸咁快就一年啦...唸唸下就記番起呢件成年前既事啦
不過...我唸自從打爛個花樽開始..就破左公司風水...所以生意越來越差..哈哈