2004-10-07 16:21:48
呢排發生左好多野，識到個ＴＢ，佢有ＧＦ，同ＩＡＤＡ一樣，我做左人第三者，我唔想架．．．但我真係中意佢．．．我知或者到最後佢都唔會揀我．．．
由佢地ge眼神、行徑．．．我感受到佢地係真心相愛，老實講，我唔係唔介意，我介意到死添．．．
我介意點解佢地可以揾到一個深愛ge人，而且可以一齊咁耐，我介意有一個人咁愛佢，我介意佢亦都咁中意呢個人，但係．．．我可以點．．．？
我唔可以返轉頭．．．我又唔可以比佢更早識佢．．．我只係可以嘆息，一句又一句咁”唉”唉”唉”．．．．
我唔想破壞佢地，我唔想自己係個咁自私ge人，我唔想佢貪新忘舊，我唔想佢見異思遷．．．．我唔想唔想．．．我唔想佢ｇｆ受傷，因為我好清楚好明白，失去一個深愛ge人嗰種滋味係幾咁痛．．．我唔想咁．．．
但係．．．冇辨法控制喇．．．開始左喇．．．唔可以嗌ｃｕｔ喇．．．我寧願相信佢冇愛過佢ｇｆ，或者我個心會好過Ｄ．．．第三者，好似一個千古罪人咁，Ｄ人聽到，都只會覺得我係衰人．．．係．．．我係．．．我冇廉恥．．．我係狐狸精．．．撬人牆腳．．．．
我唔係冇得揀．．．只係．．．一Ｄ藉口．．．令我一次又一次咁中個頭埋去．．．我冇信心．．．我唔知佢會唔會揀我，但我好肯定呢一刻唔會囉．．．我好怕，我好怕失去佢，又好怕得到佢，咁ge開始會長久嗎？會ｌａｓｔ到幾耐呀？．．．
佢可以因為我而同ｇｆ ｂｒｅａｋ，咁ｅｖｅｎ同我一齊都可以因為第二個而唔要我啫．．．我知呀．．．但我偏要咁做．．．
我自私．．．冇顧人感受．．．因為中意一個人，因為愛一個人而放棄自己ge尊嚴，值得嗎？我唔知．．．我只係知我好中意佢，我都需要佢．．．．
我以家分到ge，可能比佢ｇｆ多，但係．．．佢又有冇諗過，我永遠都分唔到，佢地之間擁有ge一切回憶，６年喇～ｅｖｅｎ每個月有１０分７時間係陪我又點呀？我分到ge永遠都唔夠佢多．．．我响你身上得到ge愛，永遠都唔夠你响佢身上付出ge多．．．
點解呀？．．．點解你會唔愛佢？我諗如果我知道個原因，我會更加安落．．．話我知係因為性格不合，因為咁樣，你先唔係因為中意我而唔中意佢，我唔要你係一個咁ge人．．．
我介意，我介意你有電話嗰陣，我唔可以出聲．．．．我真係好介意．．．我唔見得光．．．我好介意，我都好想融入你ge世界，但點先可以？．．．．．．要等幾耐？我會有咁ge耐性嗎？你會有限期比我等嗎？
好似冇，你好似冇打算要比一個限期我，連等ge資格我都冇，真係犯賤．．．．．．．
我咩都做唔到，只係可以珍惜同你相處ge每一分鐘，因為我永遠都唔會知你幾時會同我講，你要離開我，返去你ｇｆ身邊，正如當日Ｉａｄａ同我講分手一樣，一個ｓｍｓ，一個電話，一句說話，可以好輕易咁將一段感情結束．．．．
我怕，我好怕，好怕失去你我冇辨法企返起身，所以我唔敢依賴你，好怕放個心响你度，或者呢一刻你會好好保管，但邊個夠膽擔保下一秒鐘你會唔會唔小心跌我落地？
好痛．．．真係夠痛喇．．．可以係最後一次嗎？
可以係最後一個嗎？我唔想再揀其他人喇．．．．
我好攰呀．．．．可以停低嗎？．．．．幾時呀？．．．仲要等到幾時？．．．．．
文章定位：
