2004-09-27 03:48:05
由我同你一齊o個日開始，我已經同自己講：我唔係中意佢！
只係我會盡力用時間去諗你....
諗下點先可以盡我可能範圍內去陪你、去令你笑
盡可能用我ge時間去陪你....
初時我好盲目，每日都會想見你....
隨時都想陪响你身邊，只要見到你笑，我就會好安落
我唔知呢D係唔係叫中意一個人，又或者我只係o係度滿足緊自己，
因為我想有一個人可以咁樣全心全意對我，而我亦會好開心咁，
所以我就好似見到你代替左我去開心咁...
記得鑽石山，我地响o個度開始，我仲記得我口窒窒咁叫你做我女朋友....
當你話你都中意我o個陣，我冇辨法相信，你挨响我身上面，
問左我一句：你個心使唔使跳得咁快r??
日子過得好開心，一直到你開始話我痴身，你唔再需要我，你唔再聽我講野，你開始唔接電話，你開始唔搵我，你開始嫌我煩，你唔再需要我响你身邊....
嗌交，一次唔理會成為下一次ge導火線，你連續左N次冇好好咁同我傾過，我冇講過一定會係你唔啱，我只係想將個問題去解決，而你就只係逃避...
我冇晒辨法，你話攰、話眼訓、話病唔傾，ok我比你抖下，我可以等只要你有心傾~
兩日，我冇揾你兩日，原來你亦可以唔去揾我...
再聯絡都係ICQ，你話我係咪中意左第二個你仲叫我還返D衫比你，我冇中意第二個，我問返你係咪唔再中意我，你話係，你中意左第二個，因為人地對你幾好.....我之後仲講左好多好過份好過份ge說話，因為我覺得你冇尊重過我，我知我咁講好過份好小器，或者只有咁你先會care我講d咩～就算我知你會好嬲我，但至少你會記得我.....
我已經唔再心痛，因為我個心一早已經痛死左，呢兩日冇揾你，係因為我有日放工打比你，打左好多次，你個電話都話已經停止服務，我好擔心，你又冇打比我....
然後一直打，直到凌晨一點，打通左...
我：你電話冇野ma??我打極都打唔通ge？？
你：唔講喇....好眼訓...
我：bye bye
do_______
然後我喊左一晚，因為我知道清楚明白到－－－你已經唔再中意我...
就響呢一晚，我個心已經唔識得痛....
２００４年８月１６日～２００４年９月２５日凌晨00：59
我宣佈我地ge愛情正式死亡！
文章定位：
