2004-09-19 07:35:47
16/9
我懷住極興奮ge心情去返工,每當見個鐘既分針每行一步,我ge心情就多一分緊張,我3點落場,2點8打比你
你：....a...um....(一D衣衣牙牙未訓醒ge聲音)
我：你o係邊ar？
你：.....屋....企....lor....
我：(O咀)下？
你：琴...晚玩...到好夜.....ar......又飲...左好...多酒....個頭好....痛痛....ar......
我：你琴晚幾點返屋企ar咁？
你：天光......
我：咁.....你抖下la....
你：bye...bye....
我有十萬個失望,打左比Ｖｉｃｅｎｔ呻,一齊分享下比人放飛機ge滋味...
我越傾越嬲,打左比你鬧你
我：....你明知你今日約左我ga!!!咁你琴晚仲玩咁夜？？你明知你唔飲得ga la!!!你知唔知你好過份ar!!放人飛機!!你明知你今日約左我仲咁玩,你唔想出咪開聲lor~~~我以家唔係唔比你去玩,你要去咪去lor~唔想出咪唔好出lor~~~~做咩呃我ar!!!
你ge回應如下,中間夾雜住"對唔住"同講講下冇左聲
你：....我唔想同你嘈ar.....
我：我要解釋ar....
你：解釋咩ja.....我唔想解釋lor..........點講你都arm ga la...冇用ga....
係咁la~~~你乖la......唔好嘈la.....
我冇罷休過,一直嘈,因為你始終冇講到我想你講ge野,我想你知道你呢次唔arm,然後話冇下次之類,但你ge"對唔住"係好明顯想我快d收線而講,到最後你係連解釋都費事,覺得我係發細路仔脾氣......
我個心一直"銀"到收工,打比你你話你唔舒服唔講,但你唔舒服都唔係以家先發生ge事ga la,咁你又去玩去蒲？o個時就冇唔舒服？？？
返到屋企再嘈,你都係話唔想嘈唔想同我拗,咁你冇令我條氣順過lor....只係不斷又不斷咁激我,成個勢好似係我揾交嗌咁,而你就比我煩緊咁......
其實我只係想你尊重下我,放飛機已經唔arm,仲要惡人先告狀話我咩唔想同我嘈唔想同我拗
好耐之後,我arm arm講到想話比你知你應該點做,你忽然有電話入,轉左過去好耐都冇轉返返黎,我等左幾個字,收線打比你,打左好多個都冇人接,應該話係cut左我線gum....
我諗住或者你太攰訓左
然後第二日....
【下次再講】
文章定位：
