24h購物| | PChome| 登入
2005-10-14 17:01:03| 人氣369| 回應0 | 上一篇 | 下一篇

大家來學客家話 客語認證

推薦 0 收藏 0 轉貼0 訂閱站台

講著客家，大家會想著、煞猛、勤儉。講著勤儉，煞猛，就會想著「早三朝當一工，早三年當一冬」客家人用時間去換取更多介工作量。「毋怕窮，種驚朝朝睡著日頭紅」，「有油莫點雙盞火，免得無油打暗摸」像這兜精神，又愛煞/猛又愛省儉。一直在客家族群傳承保存，客家介基本觀念有以下三點：
第一：禾串精神，堐爸講：「禾串愈飽米，頭林犁愈低」所以愈有本等介人，愈謙虛。就像俗語所講介：「盲出學堂先學謙讓，盲出家門先學度量」這介話語教人愛有真才實學，腳踏實地，毋會虛假。
第二：晴耕雨讀，耕種係生活介根本，讀書係發展介泉源，兩者就係恁重要，曉得利用時間，分配得好，有豐富介學識，在奈位用得到，隨時隨地愛吸收新介學識，正有上進春光介日子。
第三：飲水思源，人有感恩之心，正有實在介腳步，「食人一口，還人一斗」，「有錢施功德，無錢拈開竻」曉得尊敬長輩，孝順父母，拿孝順，施恩為根本愛做介事，也係教育後輩最好介功課。恁仰代代相傳，社會正會和諧安定。家家教育得好，社會正會更祥和。
學客家話，就係學客家基本精神，不但客家子弟愛學，希望其他語言介族群也來參與。在多元文化介今晡日，學會另一種語言，人生介眼光會看還較遠，包容心會還較深，做人做事會更加圓滿，歡迎大家共同學習客家語言，瞭解客家文化。

我要檢舉
台長： 社德

您可能對以下文章有興趣

人氣(369) | 回應(0)| 推薦 (0)| 收藏 (0)| 轉寄
全站分類: 不分類 | 個人分類: 學道心得 |
此分類下一篇:心情小語 鄭
此分類上一篇:我 看見了道〈三〉-黃經理

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文