哇…好似都好耐冇上過網咁添…正確d黎講, xanga都係, 點解打完d野變左亂碼?? 呢個weblog係第二次打架啦…. (無奈 =.=)
okay, 就打返我呢幾個禮拜d特別d ge事啦!!
2005/8/4 Thursday
今日ge我忙到累死, 朝十晚七 non-stop咁…10點去學急救到1點啦, 1點3就飛去教琴 (教個中年女士, 超級elegant呀!), 到2:30就去補習 (冇飯食…), 到5點半就飛過氹仔學琴, 七點幾先返到屋企…累到攤屍屋企……
2005/8/9 Tuesday
係報紙同打電話都話有Charlie and the Chocolate Factory做緊, 點知等到我去買飛佢就話後日. 我之前都覺得奇怪, 明明係11號上畫, 點解會登左報紙架呢? 大會堂, 你係咪玩野呀??
補完習去百佳買材料整野食, 士多啤梨mousse…冇焗爐其實都有好多野可以整到食ge~~mousse就係其中一樣啦! 不過屋企都冇打蛋器, 變左好多野都只可以用手打發, 好似d cream同d蛋白蛋黃咁呀…大佬, 我徒手咋…點樣打到D蛋黃變乳白色呀…..雖然打到手都就快抽筋咁濟, 但係都幾好味, 特別係我有一半放左去冰格雪到佢好似雪糕咁, D士多啤梨又變得硬硬地, 好好味呢!!kakaka賣花讚花香!
2005/8/11 Thursday
天日就急救考試啦, 所以全日都帶左本講義出街, 得閒就KIT下咁…
補習, 學琴, 係supermarket見到個舊同學。本來都見佢唔到, 但係我聽到佢把聲先擰轉頭嗌佢咋!! 佢帶camp喎, 嗌到聲都沙晒, 可憐的!..
買左支珍寶珠去學琴, miss個bb剛剛係到食緊粥仔。可能支野太好味, 佢眼都唔眨咁望到實一實, 到佢食完粥仔啦, 見到我支糖呢, 佢又係到扮食喎, lam晒利, 仲要lam到 ‘汁汁’聲戈下抵死, 好得意呀!! 下次再買多支去引誘佢先~哈哈!
2005/8/12 Friday
急救考試啦!!筆試我死梗, 好多都唔識呀….不過做CPR, 即係人工呼吸加心外壓我就lo到100%! 哈哈!! 冇浪費到我呢幾日9點幾就去練習!
補完習同我細佬妹去左游水, 點知游左45min到啦, 就行雷啦…d救生員就趕晒我地上水啦>.< 人地armarm先到咋喎…..唉….換好3出到黎就落暴雨啦…困住左走唔到ar…..
2005/8/13 Saturday
老闆係我教教下琴比左張字條我 :
“ Dear Juliana, Please take note that Lam XX’s mother just complained that previous replacement teachers WERE NOT SERIOUS with lessons and had been answering phone calls during lesson. Just a note of caution. That’s all!”
咁即係咩意思? 比警告信我?! 喂大佬, 我第一次代呢個學生咋喎, 都痴架!!
2005/8/14 Sunday
代琴有個學生真係激死我, 好彩佢唔係我ge學生, 如果唔係, 我就死比你睇….
下午成家總動員, 本來唸住去睇間咩咩大屋, 但係無啦啦又唔去, 去左食下午茶! 阿妹學完guitar, 接埋佢, 我地就去左氹仔戈個攀石牆到攀石啦! 阿妹差唔多個個禮拜學完guitar都去攀, 但係今次係我咁耐以黎第一次得閒同佢一齊去攀! 真係好好玩呀! 特別係吊落黎去時, 超正呀! 連我細佬都有攀呀! 攀完之後令到我覺得自己身手太唔靈活, 而且冇咩力水… 我唸我都要減下肥啦! 不如就個個禮拜有幾日去游水 (增下高), 禮拜就去攀石啦! 雖然第一次攀得6格, 仲要攀完之後冇晒力, 但係下一次定會攀得叻d架啦~! 阿妹我一定會超越你ge 9格架!
Neco幫我買左女法醫第二期, ceci, 係你同我都朝思暮想ge第二期呀!!!!!!!!!宋雨日萬歲!!!!!!等左年幾啦…….感動ar………
文章定位：
