三號台 二零零八年八月三日下午二時三十五分（再見）

37愛的鼓勵 0訂閱站台

原來真係有好多事情要選擇，近來就要選擇，究竟去公司的運動會好還是去朋友的學警畢業好，另外，究竟當值搵錢好還是預留給家人好，好煩呀...留俾家人緊係優先啦，但有時又會無用喎！與其留係屋企無聊，緊係做o野好啦！唉…

有個老師我一直都想讚佢，我好鍾意哩位老師，佢雖然係教幼兒科，但佢都教我o既o野我一向都好聽得入耳，有時仲會主動問佢意見，今次，因為阿嬌o既事，我覺得那些是她的私事，關了房門，做乜就是她的事，不過，佢提醒我，就算關了門也不是甚麼事也可以做，那老師問我︰「吸毒可以嗎？」，對於我，真是一言驚醒，咁…又使我思考那一個問題，點解吸毒係犯法而吸煙唔係呢？

昨晚有個朋友仔打電話俾我，請我做佢擔保人，我話你都係努力d打電話搵第二個啦，俾著以前，我可能都會考慮下，依家…我肯定再無能力負債。對不起，幫你唔倒。呀…諗返起以前試過為幫朋友作掩護，做o左件別人以為無聊兼無用的事，仲有另一方式，剛剛試埋，為o左朋友，做了信差，放工由公司出發>寶琳站(先取材料)>將軍澳站(交部份材料)>黃竹坑村(交埋另外的材料)，任務完成回家，係有點頻撲，明明到自己返屋企的寶琳站都未返得屋企，但能夠幫倒朋友，為朋友錦上添花，哩d又算得係乜。我有個朋友都係時時為別人著想，甚至忽略了自己的感受，其實我有部份理解，因為我有時都係咁，有時仲過份熱心，搞到自己好辛苦，我可以自私下嘛？我可以唔理人嘛？真係好想自私下、唔理人。

唔知從幾時開始，我姪女對我媽媽越來越冷淡，我媽媽想同佢傾多句電話佢都走o左去，我媽媽已經心酸到講到出口，我媽媽仲話︰「以前大家一齊住o既時候，你(本人)成日鬧佢，佢唔食飯時，你(本人)又趕佢出門口，依家搬走o左就成日叫佢返o黎，佢緊係唔返啦！」係…的確係返唔倒轉頭，所以我一直都嘗試努力補償，睇o黎做乜都係補唔返架喇！>_<...無喇！