三號台 二零零八年八月三日下午二時三十五分（再見）

37愛的鼓勵 0訂閱站台

近來，電視劇「學警狙擊」入面有個叫Laughing哥的人物，當他下不了決定的時候，便會用擲硬幣的方法來決定，使我想起，很久很久以前，印象中那時還是在中學的階段，忘記了是甚麼原因，開始了擲銀仔的遊戲，那朋友仔(已經不肯定是男是女，但可以肯定的那不是同學)擲，我估是「公」或「字」，一開始就是玩，第一次估中，第二次估中，第三次估中，如是者，去到第六次、第七次…越玩越有那所謂的feeling，我話︰「唔好再玩落下喇！我好有「feel」，實中。」佢就係唔信，要我再玩，一直玩到都不知第十幾次了，都係講中的，講到哩度，大家還記得讀數學時怎樣計Probability嘛？就假設我玩左十一次，別忘記是連續十一次都估中，那Probability是多少？係二分一再俾個十一次方佢呀，wow...wow...wow...即係1/2048的機會才做到咁樣呀！你話係咪著晒火哩！