三號台 二零零八年八月三日下午二時三十五分（再見）

37愛的鼓勵 0訂閱站台

每次見到姪女一次，就傷心一次，見倒佢當然開心啦，但聽到佢講既事又替佢擔心，到分手時，又十分十分的捨不得，是我想得太多嗎？是我投放太多情感進去嗎？聽到姪女話乜事唔開心、乜人唔想見倒、好掛住邊個、好想見倒邊個…我好驚會影響佢日後的心理發展，真係好想為佢開口跟她父母論討姪女的事情，但又怕姪女會成為最終的受害者或出氣對象，我乜都做唔倒，個心好痛，又流起眼淚來。

近排我又開始胡思亂想，一方面唔想打電話俾姪女太多，怕佢掛住哩邊唔開心，一方面又好想打俾佢，驚佢以為我唔理佢唔再掛住佢，又想佢星期六日可以返下將軍澳抖下氣，又唔想佢返將軍澳太多怕佢有由天堂跌返落山谷底的感覺會難受。

就因為我媽媽在星期六由那邊帶姪女返將軍澳過夜，我連9/11的考試都缺席了，只send sms同三柴說是因臨時有緊要事作交代。今天同一個隊友係msn講起哩件事，我問︰「父母唔係應該俾最好的孩子、俾開心快樂的孩子，點解要搞成咁。」佢話︰「父母都係人，父母都可以自私，又話…你(本人)認為係好，但佢父母可能唔係咁睇而認為佢地那套對小朋友是最好的呢！」

聽完佢咁講，或者我要學習下放手。

另外，仲有一樣野我知道，錢財的確係身外物，我已經放開了，幾乎忘記，但感情就……