Amazing, really, unbelievable, hijack...
又試好耐都無上o黎寫字了，哩排的心情都係起起跌跌咁，但都是大靚的，「大靚」即大多數靚是也。
Amazing—話說，上星期四(6/12)返晏(9:30a.m.)，媽媽送我去地鐵站(oh，應該係港鐵至o岩)搭車返工，之後去買’食送’，就在等過馬路的時候，不經意的回頭一看，依…乜咁橋o既，哩個時間唔會見倒的人在眼前出現喎，那刻的感覺好amazing，哩個人係我AMS隊友，前一排返工會日日踫到的，依家就成個月都無見過一次。
Really—上星期五(7/12)，收工去到港鐵站準備搭港鐵返屋企，收到電話，係銀行姐姐打俾我，因為我之前問過佢有關月供基金的詳情，去到傾完，佢又問我有無拍拖，我如實作答︰無，佢問我，要唔要介紹個俾我，仲話入面有個好仔，唔煙唔酒o架喎…我笑笑口咁扭頭，唔好喇掛！
月供基金係投資的選擇之一，係我個會計同事提議我的，因為我一路都想儲錢，但又無從入手，要我學人抽新股，太煩了，咪搞，又不切合我這保守穩陣兼不容有失型的人，哩個算係令我放心的投資產品。
Unbelievable—哩個感覺係來自…昨天(11/12)，中午午飯後，出去幫個同事(C小姐)去bank排隊，途中遇到那個鬼佬同事(忘記同大家講唔知幾時點解個鬼佬同事無再嬲我lu)，個鬼佬同事同我一齊行去銀行，等左一陣，C小姐到場，我就陪返鬼佬去starbucks買佢o既例牌—鮮奶咖啡，好…走得，一路行，個鬼佬同事一路同我講頭先整咖啡那個星巴克職員望住我，我心諗:Don’t play me la...個鬼佬好認真咁話真架(serious)，仲話要同我返去，幫我去問那個職員電話喎，我拉住佢話︰OK, next time.(下次先啦)…哈。
其實，聽起上o黎，那刻都幾開心架，有男仔注意自己喎，不過，緣份哩家o野，我比較喜歡睇個天，first-sight love...太虛幻了，一點也不實在，小女子的心臟可負擔不來。
Hijack—我同鬼佬同事講，Don’t say ’Hi, Jack’ in the plane. 鬼佬聽聽下意會到個意思好funny，佢好奇咁問我，邊個講俾我知架，我話佢知’I read it in a book’.
文章定位：
人氣(54) | 回應(0)| 推薦 (
0)| 收藏 (
0)|
轉寄
全站分類:
不分類
