24h購物| | PChome| 登入
2007-10-17 02:55:49| 人氣71| 回應0 | 上一篇 | 下一篇

氣味

推薦 0 收藏 0 轉貼0 訂閱站台

好耐之前已經想寫這個題目，記得行過Starbucks嗅到好香的咖啡味，會諗起個外國人同事；搭地鐵嗅到別人身上傳來的某些氣味，會諗起某些人；本來仲有d，但一時間忘記了，算…你o地有無試過呀？我記得有個朋友都係嗅到某些氣味便想起某些人/事。
我個鼻都幾靈敏，同事搽潤手霜、飲湯、食蕉，我都第一時間發現，但鼻靈其實有時都好慘的，特別係嗅到煙味、汽車廢氣味、垃圾味等，真係特別提神呀！
又記得月初的星期日去二灘當值，嗅到不知是海水味/腥味/渠味，很臭，我諗如果我再嗅到，我相信我會記起二灘。講到二灘，當日有七個仔陪我，得我一個女仔，悶死o左，悶悶下，有個救生仔哥哥主動同我地傾計，起初，佢個樣唔多友善，我都閘晒「鋼」，佢好似審犯咁逐個問我地正職做乜的，我咪隨口答一句「文職」，嘩…佢話我無誠意，又講，時下d人「錢」字行頭，又算來算去，成日驚俾人cheat，無誠意交朋友，總括「電車男」，我好認同電車男的講法，我都係唔識講o野的一類，但我唔同意無誠意交朋友的說法，怎可以一開始就對一個陌生人多說自己的事，有時「防人之心」係必須的，後來傾傾下原來係幾好傾的，我喜歡聽人說教，這些反而沒有悶倒我，佢仲講「贏要贏得起，輸都要輸得起」，唔識咪問囉，唔得咪放低搵人幫囉！
傾傾下仲有case做添，有個女仔好暈，由家人扶過o黎救傷站，個救生員二話不說，立刻上前抱起個女仔，又隨即叫開床，跟住d柴頭、隊員做o野，我哩d見咁多人圍住，我就做我通常做的事，就是企埋一邊，唔知由幾時開始，我變得麻木不仁咁，公司試過好多次有同事有事，我望了兩眼，無理會到，繼續做自己事，我有個要好的同事都話我唔知做乜，今次我又無反應，好似新人咁企埋一邊，今次最大感受係「即刻/迅速/快」，救人o既o野，要「第一時間行動」，不能有半秒猶疑，期待月尾再去二灘「學習」/「聽教」。

後記︰
我估…有d朋友仔見我同個救生員咁好傾，會諗下其他o野，唔洗浪費時間諗喇！

我要檢舉
台長： 阿糟

您可能對以下文章有興趣

人氣(71) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文