三號台 二零零八年八月三日下午二時三十五分（再見）

37愛的鼓勵 0訂閱站台

第一次同愛美、婷婷、敏茵、彭記在深圳打邊爐，原來小肥羊的打邊爐又真係幾好味喎，至少我哩d揀飲擇食的人都食得飽飽咁，好開心哩…又一次展示，我o地幾個走埋一齊真係有說不盡的話，更常常搞出笑話，想起來比經典更經典，最記得有人問︰「答的士去邊度？」本來真係有很多，但到寫的時候又忘記，算！

又記得講到某人，做左咁耐朋友，每次提到屋企，佢都支吾以對，連佢有無兄弟姊妹、父母是否健在都唔清楚，點解呢？我的好奇心令我好想知道，那唯有問下有無人知道點解啦…終於有少少眉目，好了，點到即止，我以後唔會再問了。知道少少之後，我其實又有另一個問題︰點解佢同屋企的情況會係咁呢？我好唔明白，這就是所謂的「家家有本難念的經」，我也是，我都因為種種別人看來是小事、無謂的原因而不同我的一家之主講o野。

我公司有個小朋友唔知乜o野原因，嘴唇發黑，黑到好似服毒了，我的好奇心又要我去問點解，點知個老師以為我八卦、多口，立即「o殊」我，做乜喎，乜都唔俾我知，我一定會再問的，係…”同事三分親”套電視劇講得幾o岩聽，事情不一定到水落石出，但都俾我知少少啦，唔該。

其實，之前幾日我唔開心呀，因為發生了幾件事，上星期五我姪女發燒，幾天不好，星期一、二到我發高燒病假，差d以為我今次食唔成小肥羊，星期二仲未洗返工又見好d，同阿媽去接姪女放學，等o左二十分鐘，原來姪女俾細佬接走o左都唔出聲，跟住我細佬整親隻腳趾，工傷成個月病假，細佬問過我有無card reader，我本身無，咁收工走去買俾佢，點知俾佢時佢同我講佢老婆叫o左人買，得，今次又唔出聲，咁我自己食返啦…到今晚，阿媽話原來我食緊小肥羊o個時，佢在屋企食飯哽骨，睇過私家診所，又去埋急症，等o左三個鐘都搞唔掂，聽朝仲要去多次醫院照食管胃鏡，本來阿媽唔想俾我同細佬知，不過因為無人揍姪女，唔講唔得，希望阿媽今次去，d醫生護士搞得掂就好lu，我發覺我細佬的EQ有時都幾高，佢今次叻過我。

以下係我唔開心時寫的︰
有一個不爭的事實，我必需要清楚，無論任何情況，我只不過是她身邊其中的一個親人，最親的，最後還是她的父母，那我如何自處是好？靜觀？還是不顧一切地保護她、愛錫她？我不知道，我是甚麼？我不是甚麼。
‧我…我就是一個需要時間熱身的人，當我尚未知道你是誰的時候，請別靠近我，因早已埋在我皮下的刺會不由自主地豎起，要提醒「你」小心。
‧我…我不喜歡的時候，我就是不再爭辯、不再爭取、不再勉強，我只會黑面〉低頭〉沉默〉自閉〉離去。
‧我…我累的時候和不喜歡的時候同樣恐佈，別惹我！
‧我…我原來很在意別人的目光、別人的反應，每當我完成一個動作，無論是說是笑，我總要望一望別人的表情。
‧有時我很喜歡熱鬧，有時我又很怕熱鬧，很矛盾。
要面對自己，的確困難，經過二十幾年，才得出這些結論，時間長嗎？

今晚仲睇過幾個朋友的blog，之前忙到病到好耐無睇喇，嘩…原來愛美真係很忙很忙o架，難怪佢成日話o的o野做唔晒，又有非常有型的力高仔，又有壞機兼忙搵樓的Evan，又有生日女主角婷婷，三次同一班朋友慶祝今年的生日，少有的情況，又有變聲卻不變習慣繼續上街吃喝玩樂的敏茵。

係喎，今日放隊，又係同一班人，加埋金源食午飯哩，又係好好笑喎，真係去到邊、嘈到邊。