24h購物| | PChome| 登入
2006-09-03 01:13:42| 人氣75| 回應0 | 上一篇 | 下一篇

我…

推薦 0 收藏 0 轉貼0 訂閱站台

昨晚，mesell約manyan、樂天熊仔餅、仲有阿糟(我)食飯，一邊食飯，一邊傾計，同場加影我的傳記，演繹得非常全神，內容講到︰我唔高興便會一聲不響然後溜走。

其實，以前我不是這樣的，我媽咪都同我講過，我以前好開心好多0野講0架，唔知點解依家咁唔開心無0野講0暨，以前D開心唔知去0左邊度？我以前就係乜都講一餐，唔知唔識留意人0地其他是否願意聽，以前我同男朋友(2000年暑假開始拍到第二年考試期間左右)講電話，為防有dead air，所以一直講，係咁講，起勢咁講，講到深夜，還是喋喋不休，直至某天，他跟我說︰「你有無留意到你咁樣講電話我會累的，你應該留意下，如果我累，無乜回應，你應該醒目提出收線。」那刻我個心好似碌0左落山，自此，我便常常估計、留意、預設別人的想法和感受，當我一想到說出來無補於事、說出來沒有好處…那就不如不說。

現在，我跟別人講電話，一係就好快收線，因為唔想阻住人0地，如果有0野想講我一定先問別人現在是否方便，又如果我無0野講，而別人又無0野講但又唔想收線，我會攞住個擺在耳邊聽住但唔會出聲，由得個通話dead air。

好傻？！或者啦，依家諗返起當初佢咁話我，我個心都仲有少少痛0架，可能來得突然，嚇到我以後都唔敢講咁多，亦唔想多講，因為我唔知幾時會煩倒別人，而我仲係好似傻瓜咁唔知，後來唔知幾時我開始無搵佢，佢又無搵我，就係咁不了了之分手了，雖然依家我無再諗起佢，但因為沒有明確地講出分手，所以到現在個心似是還有未解開的結，不是我放不下這段感情，而係覺得事情沒有一個清晰的句號。

加上我依家哩公司的上司做事越來越唔make sense，使我決定以後唔再出聲，加劇訓練我唔識講0野的進度。

我知道我依家有一班好好的同事、好錫我的朋友，我時常想著買甚麼俾佢0地食、或送俾佢0地，我心裡時常關心住想知各位的近況，但就很少(差不多無)講，講？點講呀？無端端講出口會嚇親人0地的。

我就是愛賭氣，神給我一張能說話的嘴巴，我居然收起不用，大膽。

我要檢舉
台長： 阿糟

您可能對以下文章有興趣

人氣(75) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文