剛剛睇過一個朋友的新聞台的留言，本想回應，但不知甚麼問題send唔出，就在此講講吧，「時機」，我曾經在一個合適的時間遇上我覺得合適的人，但時間一過，這個合適的人就變得不合適了。
早前又玩過哩個朋友的問題遊戲，現在我好想問大家一條，希望你0地留言答下我啦，「有乜0野事情係你一直很難突破呢？」我意思係，有乜0野難處係你想改變，但又一直都改唔倒呢？
我…我的難處係「壞脾氣」，同其他人一齊，我大概像隻羊，但當遇到不快的事情或心情，如不踩到我的尾巴，我還是一隻不出聲的羊，反之，我便是一隻會咆哮的獅子，特別是對自己的家人，以今晚為例，阿姨問我怎樣設定定時錄影，起初，我尚可耐心及用溫柔的聲線回答，但再問多兩問，我便覺得很煩，一時忍不了，便大聲起來，唉…又再次忍唔住了，臨走時，我還說了一句︰「我都係忍唔倒，我諗，下次都唔好0黎好了。」
星期三，一個同事把他太太給他預備的午餐盒給我，我不以為然，說聲「多謝」便享用了，而他就自己出街食，席間，其他同事問起，為何我的午餐盒的份量那麼多，我直言不諱地說不是我的，是他的，午膳時間過後，返回到公司，過了一會，在電腦室見倒他，他問我是否說給別人知他給我午餐，我當然答︰「是」，他說︰「Next time, don’t tell the others. They will think the silly things.」即時，我是不明白所謂何事，只是回應︰「Okay.」過後，我開始明白，畢竟，女人多的世界，是非可不少，一傳十…
往後幾天，我沒有留在公司食，我跟他一起外出午膳，多0野講0左，又再熟落d，一直以來，他教我好多的道理，有時，工作上唔開心，向他發幾句嘮叨，跟住他講幾句，不單令我無聲出，而且心情會好番添，哈，難道英文容易受落d。
自從好同事（朋友）一個一個的走，他便是餘下少有的好同事了，0黎緊公司就快放暑假，他返埋星期一就會一齊放假，我並沒有暑假，只有年假，到時，我返工的時間就難熬了，我真係唔捨得佢0架，我都同佢講我會好掛住佢的，因為佢好「睇」我0架，其實，以我眼見，佢對人人都好好，出去行街，又好有禮貌，哩d到底係外國文化還是只係佢個人習慣呢？好的應該學。
做乜我今晚咁多0野講，因為屋企無人囉，走晒返鄉下同天水圍呀，所以咪多0野諗囉，要發嘮叨，如果唔係都唔會無飯開，要日日出街食啦…:p
文章定位：
