本來有很多說話想講，但因為有一段短時間未能上網，到現在已經忘了一部份想講的說話。
2006/05/06
由那裏說起好呢？！話說5月6日係阿根叔（NganNgan）的生日，當晚答應她到蘭桂芳飲杯0野，搭車出去，原來690尾班車是23:50，咁早的，我就係搭哩班車喇，行遲d都唔掂呀，一路搭車，覺得晚上很舒服、無乜人、好靜，幾鍾意。到兩點幾起行回家，三點半左右到達屋企，其實一直想去這個對我來說「神秘」的地方，終於都試過了這第一次，根叔來說是「好評」，這次的經驗對她說氣氛好過上cafe，但對我來說是「一般」，雖然這個第一次經驗不好，但如果有其他的第一次，我還是會嘗試的，不境有些東西不試過是不理解的。
2006/05/07
好不容易起身返隊，之前凌晨四點才睡覺，不到4小時的睡眠就要離開那舒服的張床，返到隊不久，收到那張已過膠的證書，身邊的隊友很關心的問︰「發生甚麼事被人這樣整蠱呀？」我都想知道點解，點解會係我0個張出事的，其實近這幾天都有少少莫名其妙的唔開心、無心情，今次可真玩得「大」了，但仲能夠沉得住氣，出去morning parade完就問發生乜事，跟住就有個不知所謂的隊友係咁叫我算，算乜呀，俾張廢cert我，點收呀？係，問題是可以解決的，那我就不收那張證書，待事情解決我再收就是了，我唔希望被人覺得我係針對，說到底，那個是新轉來的二柴吧。
2006/05/08
一返到公司就一直忙下去，又俾d”煮刃”噴，車輪戰咁，我一於少理，當佢地死的，比着以前，我都會搵人講，現在，隨便算了。
其實係有原因的，一直以來，我總是喋喋不休，直至拍拖分手時，他對我說，你有時實在說得太多了。（當頭棒喝）
另外，經驗說給我知，好多時不說會好過會說出來，當說出來而又遇上攞景的回應，簡直是在自己的痛心上加插一劍，係…這些是屬極少數，絕大部份的好友是不會這樣對我的，或者我係隻雀仔（驚弓之鳥），我開始收埋自己，不用語言直接說出來，或者是我不知怎樣面對，現在習慣打出來，我常跟別人說笑我不懂寫字的，我自然會讓關心我的朋友知道，所以別問我「好嗎」。
以前我成日都話朋友唔多，都係0個句，好的—一個就夠，現在我就覺得自己一個夠了，朋友唔搵我出街，我唔會主動打俾人的，朋友搵我出街，可以的話，我絕不托手肘。
以下內容請<<只要看，不要問>>，多謝合作…
其實以上的幾件不幸事只係導火線，剛過的星期日（2006/05/07）晚上，一位我不喜歡的家人從鄉下回來，一下子我接受不了又要一起住的日子，要開始過番以前有煙味、就住行、就住食、就住睇電視、就住…的生活，討厭。今晚我在廚房搞掂（食完）媽媽為我預備的晚餐，仲有，我無同哩個人講0野好耐lu。依家收工，通常都唔會即刻返屋企，會在街上流連，阿媽忍唔住打電話俾我，好啦…唯有返去啦，不過，一返去就沖涼，跟住就爬去床瞓，好夜再開電腦上網囉。
放心，我會舞照跳、馬照跑…
文章定位：
