又好耐無上0黎講幾句喇…點解…無他的…一個字「懶」。
囍事︰
有個舊同事將於本年3月11日由“小姐”變成“師奶”，恭喜Michelle，祝妳幸福甜蜜。
鳴謝︰
有個好朋友在2006年2月6日幫我攞鎖匙去我屋企俾阿媽開門，哩個朋友真係好幫得手，一call即到，唔係人人都得0架，真係要講多次︰麻煩晒，呀…差d唔記得介紹，哩個朋友係Michelle呀（又係me sell？係呀…佢叫me sell呀）
多謝︰
哩個好直得開心，二哥送0左部notebook俾我呀，又係notebook？！上次已經0左部compad俾我囉，今次仲正，係sony 10.6吋的notebook呀，好細好方便，我依家就係用緊哩部機寫哩篇記事喇…yeah
樂事︰
2006年2月16日，咩事呢？話說今天是一位同事的last day，為何說樂事呢？難道早已想她離開？當然不是啦！哩位同事已經是我的好朋友，我開心是和她一起快樂，因為她能夠早日離開這個傷心地，去走她想要走快樂的路，祝力高仔鵬程萬里（老土，但真心話）
時事︰
早幾日睇報紙話d人寧願放生d雞都唔會交俾食環署，俾着係我，我都會放生，你唔賠錢，即係大蝦細’遮’，做生意的雞販你賠，唔係做生意的就唔賠，咁即係點先？想一拍兩散？我地哩d缸瓦唔怕你地d瓷器，我就係咁0架喇！支持放生，甚麼以大局為重…吥，那有誰理會d細呀？
自閉︰
今晚（2006年2月19日）—新界東的飯局，少少唔開心啦，點解？有幾件不愉快的事情奏成的，四千蚊？！不算甚麼，只能租到一個床位—唯一的私人空間，本來的的更衣室有兩個，首選是廚房，次選是廁所，而今天就徵召了我這個「唯一的私人空間」。等車，俾個細路整倒個袋，幾次喇…煩唔煩呀？到達現場—食飯0個度，點呀？哩度無得坐，0個度唔坐得，算，閃人，散散心，無謂勞氣。其實，唔知由幾時開始，事情總是不順利，買東西、考試、工作、讀書等，連搭車企邊度都係阻住人、俾人撞，天天瘀、日日傷，有時唔開心想話俾人知，又驚俾唔適當的人知道，驚俾人窒，到時條氣仲頂，那就唔講啦，唔出聲啦，俾人撞的時候，其實真係好想鬧人，但又驚俾人鬧翻轉頭，到時咪又頂住條氣，不如又唔想聲啦，0係公司，提出意見，0徒氣，講多d即係做多d，千祈唔好出聲添呀，好多時真的唔想計較咁多，我都想自己開心d、睇開d，甚至傻d，但事實係要你咁吖嘛，所以，我成日找你麻煩的，即係你在我心中必定佔一個很重要的位置，我常常說，我的朋友唔多，但個個都是好幫手，我好自豪，因為我能夠認識這些好朋友，位位都是我的良師益友。最後，請大家原諒我有時的“自閉”行為。
文章定位：
