加加的隨筆 一居美華人女子之台 難得還可以用中文來寫幾段文子.... 要珍惜機會和靈感, 不要放棄.

261愛的鼓勵 0訂閱站台

轉載自：帶銀公主@遊樂場
http://princessdiane.com


０１）「喊」即是威脅我。
０２）我唔會每秒鐘都掛住你，你要接受這事實。
０３）我見到靚女一定會望，這是天生的。
０４）我係鍾意 SEX 和有性幻想的。
０５）不過胸太大或胸圍太硬都幾得人驚。
０６）我唔講野唔等於我唔愛你。
０７）你最好都有自己的目標和理想。
０８）你著乜都好睇，真的（因為我未必有留意）！
０９）唔好問我覺得你靚唔靚。
１０）我對你用甚麼化妝，護膚品無興趣。
１１）唔好迫我塗潤唇膏。
１２）唔好期望我會在返工或上堂時間 CALL 或 SMS 你。
１３）好多時答 YES 或 NO 就夠了。
１４）「唔知呀，你話啦！」唔係答案。
１５）如果你日日都因為 M 而情緒波動，唔該你去睇醫生。
１６）如果我講ｄ野令你覺得有兩個解釋，其中一個會令你好傷心，我地其實係想表達另一個意思。
１７）唔好無病呻吟，你最好相信《狼來了》的故事。
１８）你一係就話俾我知你想我幫你做咩，或者點樣可以完成。唔好又叫我幫你做又要教我點做。
１９）十二歲以下的女孩才有權扮 CUTIE。
２０）可以的話，自己換麥當勞送的公仔。
２１）手袋可唔可以唔掛「啷啷」，毛公仔？
２２）可唔可以唔同我討論電視劇同 HELLO KITTY？
２３）唔好叫我幫你挽手袋。
２４）唔好批評我的兄弟老友。
２５）大庭廣眾怕醜、唔出聲不叫斯文。
２６）唔好成日話「我ｄ friend話咁咁咁」，你d friend 點諗，關我咩事。
２７）盡量不要將我地拍拖的細節亳無保留地話俾你d friend 知。我都想有私隱權。
２８）除左我，你還有其他興趣或嗜好嗎？
２９）有無一樣運動你懂的呢？
３０）你可以唔識打機，不過最好俾我打。
３１）我唔使減肥，所以唔好阻止我食 JUNK FOOD。
３２）唔好要求我做道明寺。
３３）溫柔不等於依賴。
３４）爽朗不等於無禮貌。
３５）腌尖聲悶不等於高貴。
３６）無主見不等於尊重我。
３７）遲到不等於多人追。
３８）你打扮得太誇同我去街我會驚。
３９）不要偷偷在我的文件或功課上貼 CUTIE 貼紙。
４０）雖然我未必睇到，但內衣最好光鮮乾淨。
４１）最好不要日日作 OVERSIZE 的 HIP HOP 的打扮。
４２）無必要不用穿得太性感。
４３）是不是任何時候任何場合都需要化妝？
４４）唔好三句唔埋又話要減肥。
４５）不要在公眾場合怪叫或大驚小怪。
４６）不要 CHECK 我電話的來電顯示。
４７）我都會有女性朋友。
４８）我唔想知你同你舊男友的事。
４９）你都最好也不想知道我和我舊女友的事。
５０）我想講 I LOVE U 的時候自然會同你講。



______________________________

千辛萬苦, 終於找到男人眼中的好女人準則!!!! 放這個上來, 大家看得出我的用心良苦嗎? 我覺得我很偉大呢 (又在發揮自誇的本能的台長)~

最近很忙, 所以比較多的轉載, 不過我猜我的轉載都是很有水準的! 可能大家還比較喜歡這樣水平的文章啦! 而台長自己的....不羞死人才怪.....

值得一看的還有上面相中人, 也是我千山萬水找尋出來的啊! 我現在最喜歡的男人就是他哦, 大家認得是誰嗎? 答中有獎!