加加的隨筆 一居美華人女子之台 難得還可以用中文來寫幾段文子.... 要珍惜機會和靈感, 不要放棄.

261愛的鼓勵 0訂閱站台

昨晚媽咪在她的學生家裡跟我用msn談話, 後來媽咪走了, 我就跟這位女孩談. 她的這位學生才十歲, 但聽上去這位十歲的小妹妹一點都不"細路", 好正經, 說話有頭有尾, 又有小朋友應該有的活潑, 好可愛!! 她還是我聖羅撤的"學妹"呢~ 我們的談話其中有幾段是這樣的:

她: "妳幾多歲呀?"
我: "我已經二十一啦.."
她: "唔知我地係學校見過面未呢?"
我: "我都好想知wor, 妳二零零一年個陣幾歲呀?"
她:　"好似係六, 七歲.."
我: "咁都有可能見過wor, 我最後係澳門個年妳小一wor.."
我&她: "不過見到都唔會知啦~~ 唔認得啦~~ 哈哈~~"
她: "咁妳依家係美國讀緊書呀?"
我: "係呀~~"
她: "唔知我大學畢業個陣, 妳係邊呢? 依, 我大學畢業, 妳未已經三十幾歲?!"
我: "依, 係wor~! 妳二十歲個陣, 我都三十一啦.." (有一股悲哀湧上我心頭)

-------------
我: "妳派成績表, d 成績點呀?"
她: "普通啦, 都幾好...平均分有83.333.."
我: "都幾好wor, 入唔入到十名之內呀?"
她: "冇呀, 可能係十幾啦, 第9個個有85.幾 lor, 第一個d有90幾ga!"
我: "又係ge, 我讀小學個陣, d人d平均分都好高ge...上到中學慢慢d人d平均分就會低ga啦, 妳最好同最差係邊兩科?"
她: "最好係english, 最差係maths, 我好憎maths呀~~!"
我: "數學好重要ga wor!"
她: "點解呀? 我覺得好冇用wor.."
我: "其實小學學既maths好有用ga! 基本上係一生都要用...妳將來做乜都要用到呢d maths, 呢, 妳點都捱到中三中四先啦, 個陣d math會有d冇用ga 啦~~" (我又係到教壞細路~~)
她: "好似聽講唔知讀到中三中四唔合格都唔需要家長簽名ga啦wor? 係唔係真ga?"
我: (依, 係wor, 小學生唔合格係有家長簽名呢回事ga wor) "係呀, 咁妳個陣都好大個女啦嘛, 唔需要成日要媽咪daddy睇住ga 啦~~" (我想講埋俾佢知, 不過都係冇講: 我小五個陣曾經冒簽..唯一既一次maths唔合格....因為我做做下係度畫公仔, 跟住之後唔夠時間做 -_-")


----------------------
她: "姐姐妳把聲好好聽呀!!! 我同表姐都用msn傾計ge, 但係妳把聲先會令我覺得好聽!!"
我: (呵呵呵~)"係咩? 妳把聲都好好聽呀~ 其實我地兩個把聲好似有d似.."
她: "呢, 我岩岩第一次聽到妳把聲, 就好似好熟妳咁啦!! 我好似之前聽過妳把咁ge~ 好似曾相識~ "
我: "哦, 係咩? 不過都有人同我講過我把聲似d某個演員定歌星ga, 可能真係咁解gua??" (心想-- 佢呢d說話咁似好幾個曾經想追我既男仔同我講既說話咁ge -_-")
她: "我一聽到妳把聲就好想識妳啦!! 好開心妳媽咪俾我同妳講野呀!"
我: "我識到妳都好開心ga, 妳把聲好活潑, 俾人感覺好樂觀呀~"

下刪我們兩個繼續互讚對方的聲音...


總結 : 1) 我好老 2) 小學時代對我來講好似自己不知何時發過的一場夢, 好遙遠 3) 現在的小學生好聰明, 不可小觀