夢由心生 想像之外 Nobody’s born a winner, we learn along the way. Nobody’s born a sinner, I’ve had my dues paid. Fast forward to the present, da past is a fable. Da future may bring a label, confirm me stable. Frantic. Panic. Manic. Da magnitude of my gratitude extends far, To those who’ve helped me shape my attitude, Ya’ all my stars

159愛的鼓勵 0訂閱站台

以下是COPY自那個「人渣」的facebook, 佢又講得好o岩既~

唔想like/ comment佢 msg, 唯有在這裡留個record 吧...:

 

前言

今日講自信，希望各位睇完呢篇野可以多一點自信，小一點please人地／care人地點睇你，放多D精神時間響有意義既事上面。至於我個標題呢..就要由兩位動漫界翹楚講起。呢兩位李姓好友，基本上一講野就有大量專業動漫用語，包括所謂既「控」…例如‘正太’控（ショタコン），（跟據維基百科，係指“對少年抱有強烈喜愛以及產生「萌」感覺的人…”）同埋‘蘿莉’控（lolita complex），（呢個好似‘蘿莉有三好，身嬌腰柔易推倒’有D關係…）總之簡單黎講，「控」就即係一種不能自控既indulge啦。咁‘Alvin控’… well.. u got the gist…

 

個人認為朋輩間既majority 都係欠缺自信。而部份所謂有自信既人都係「偽自信」：呢種quasi-confidence通常係基於things other than 自己既。例如名牌、外型、智慧、金錢、甚至一口流利既外語等。[Sexist mode on ] 當中尤以女性既天生既「不足感」為表表姐：你永遠唔會見D男人無時無刻都會有果種點扮都唔夠靚、點襯都唔夠正、點減都唔夠瘦、點香都唔夠索既mentality…（順帶一提真係唔明果D搽超濃香水果D女人諗乜，損人不利己，衰過停車唔熄匙）…

 

至於另一部份無自信既人，好多時都係環境煉成。中國人社會要謙虛，父母由細到大教我地唔好認叻。記得當年老豆知我攞左幾個獎學金，佢話：”挑！呢D應份啦！” ；今日食早餐同學B讚同學K話：You are both beautiful inside and out. 同學K用左0.7秒就答佢：“痴線！”；學習讚美，回應讚美，都可以係Sales training既一課。

 

事實上我地都慣左要自貶，就好似交換咭片個頭要鬥DUP得低咁，好多時都係多餘兼造作，但我地身不由已亦不自知。不經不覺我地唔會讚人，更唔容許人地讚自已。

 

 

咁何謂真自信？容許我用英文Define 一下confidence：if your confidence can be undermined by taking away something from you，its not true confidence.

 

一般人審視自已既時候都係基於同人地既比較，自己唔夠人叻，就大條道理無自信，又或者叻過人地，就沾沾自喜，然後有日遇到有人叻過佢，又開始自卑，無限loop… 其實跟據呢種邏輯，世界上只有最叻果個先至可以有自信…

 

 

我覺得真正有自信既人係會proud of 自己既「與別不同」。呢個世界只有一個Alvin, 就算蘇永康佢幾想扮我，幾努力練習唱歌，佢都唔會係我。無野可以取代倒我響呢個宇宙獨一無二既位置，就係咁簡單。無錯，認清自己既位置，你就會有自信。你唔會因為人地笑你而唔開心，連人地讚你亦都唔會覺得飄飄然，因為，人地既說話同觀感都唔會改變倒你既位置。

 

朋友，信自己多D啦！如果你可以相信身邊既朋友，點解你唔去相信一個陪左你咁多年都無呃過你既自已？唔係叫你相信佢天生神力，但你應該對佢有一個reasonably 既信心。因為如果一個人同你忠心地相處左大半世都得唔倒你信任，佢真係好慘。

 

當然，如果你好似我咁唔識信身邊既人，你更要相信自已。「自卑同自大，你會點揀？」（我知不亢不卑係最好，正如喇媽是男人，山係石頭海係水），通常D人都會揀「自大」。不過往往我地做又係另一回事。我諗咁係因為，響自卑同自大之間，仲有一個「自知」！共勉！