夢由心生 想像之外 Nobody’s born a winner, we learn along the way. Nobody’s born a sinner, I’ve had my dues paid. Fast forward to the present, da past is a fable. Da future may bring a label, confirm me stable. Frantic. Panic. Manic. Da magnitude of my gratitude extends far, To those who’ve helped me shape my attitude, Ya’ all my stars

159愛的鼓勵 0訂閱站台

12-11-04


本來今日day-off
不過肥強話番去傾project
所以我番左去
heidi遲到未黎
我同肥強去左canteen食住野等

平時不嬲就咁擺d野o係度霸住個位
就咁攞個銀包出去買野食
叫左個腊腸排骨飯
製作時間需時15分鐘
於是番番埋位等

「咦~~我個袋呢??」
肥強聽到之後都開始周圍望
唉…心知不妙…
我用肥強個電話打去自己個電話度
我個電話由打第一次du到幾聲
到第3次就已經熄左機
擺明又被人笠野la
但係唔係成個袋冇左咁大獲呀…

我兜左canteen一個圈
出埋出面
都唔知點搵
惟有番番去
好無奈咁去攞飯食

捧左番黎打開個蓋
仲乜俾滑雞煲仔飯我呀
又出去換再捧番黎
頂……玩夠我未呀
銀魚肉餅煲仔飯?!!!
“火曹”爆…黑仔成咁!!!!

今次醒目番去之前望下啱先拎番去
遠處望到heidi已經到左坐左o係度
隔離仲擺住我袋既??
唔係真係heidi玩我呀???

原來heidi行緊番黎o個陣
肥強打俾heidi話俾佢知我唔見左個袋
冇幾耐之前佢咁啱見到有個肥佬揹住個hysteric袋
一路行向火車站一路o係度摷
但冇諗到o個個袋就係我既
咁佢掉番轉頭搵
o係個垃圾桶度執番我個袋上黎囉…

好狗囉個肥佬
袋入面d野對一個人有幾重要佢知唔知
你偷完你要既野咪掉埋一二角
等人執到我可以領番o丫
佢掉左落垃圾桶就冇架la噃
不過我咁諗都係戇居
偷你野仲同你講仁義道德咩

今次真係好好彩多得heidi執得番我個袋
個電話唔見左當然心痛
仲要有2期未供完囉
我仲要幫個死肥佬供多600蚊
佢賣出去咪最多1000蚊
冇電話用真係好唔方便
仲要o係正我最窮o個陣唔見左…唉…
仲要唔見埋o個幾條電話繩

最緊要係我本organiser
入面有幾張相只係得一千零一張
好有紀念價值
亦都記載住細個時候既回憶
兼且每日發生過既事、每日既心情我都寫哂o係入面
好彩執得番咋…

(翌日，我先駭然發現我部mp3都唔見埋
入面兩舊差電同earphone只係買左個零兩個月
裝住部mp3個小袋係日本個妙子阿姨送俾我架
唔見哂囉…)

後尾佢地又趕住上堂
又唔係我見到個死肥佬既樣
又係自己唔啱唔睇好d野
整整下唔記得左報警
星期一先報警係咪已經多餘左呢??



可能係整定
今日本來唔駛番學
平時都唔去o個個canteen
我個袋又大又sharp又係女仔袋
我完全唔明仲乜揀我個袋咁礙眼
仲要隔離枱個個都係咁擺架la
肥強個袋仲要放o係最出
我係入一個位
都係揀我個袋黎撻…

查實我都唔明點解我成日俾人偷野
我d電話次次都係因為俾人偷左我先要換過部
中學時又試過俾人偷左好多$
我真係咁大頭蝦咩?????
定我天生窮人生富貴相呢????

唔見左個電話之後
心情似乎好似好平靜
究竟係我反應遲鈍
定係我唔想o係同學面前喊苦喊忽?
到夜晚約左去睇戲
到瞓覺都相安無事
到第二朝就黎料…




待續