耆英聯誼會 簡單化所有愁恨相信自己的感覺 然後再再追逐未完故事~~~~~

58愛的鼓勵 0訂閱站台

家豪:
唔知點解每次想信d野比你既時候,諗黎諗去都結唔到尾,頭先又係咁,足足刪除左四十幾隻字,可能係我d表達能力太差寫唔到我想寫既野,其實對你我有小小內疚,係你出事之後我都有乜點幫過手,我淨係識得喊….呢件事我到依架一直緊緊於懷,我有點後悔`11月4日我冇出席你守夜,…….11月5日你出葬當日我
控制唔到情緒,特別係唱”十八”果陣,我開始失控,,到依架都係一樣紅著眼框,以前我成日半開玩笑叫你去死,有次仲記得你講過”唔好講個死字,驚有一日自己會死’.
結果…我最後到你既時候,就係你既葬禮。見到你既時候你嘴角有一啜傷痕,應該係你掙扎過咬損既,我[諗你果陣時一定用盡全力去掙扎,我睇得你係幾咁痛苦心裡面一直都諗住你最愛既人所以你用盡全力,但結果……..你此終都回歸你主既懷抱!我應該歡喜定係難過!???
你朋友讀出對你平時對朋友的關心同諒解,個朋友都講到喊…..如果換轉係我講的話,又會點呢…..我由99年12月23日開始認識你到依架差不多五年,由同你唔係好熟到有一段時間係日日都打電話傾計,再由你講glay開始去到你講夾band再去到講你既家人,感情問題,睇住你鐘意亞影,開始時既時候好辛苦因為亞影有男朋友,你好想佢講你鐘意佢,到後來我忍唔住將呢個秘密講比亞影知,再後你地拍拖喇…….成個人好似重生一樣,你唔駛多謝我,係因為你既專一亞影先交到一個咁好既男朋友,睇見你開心我諗我對你都算係咁啦。
你就咁走左去,我都唔知夜晚一個人訓唔著打比邊個朋友訴苦…夜晚對住個電話有好多人名,轉黎轉去都唔知打比邊個好,果時失落感就越大,你明白我苦況嘛!
我好難過,不過我都要笑,因為每個人都會係咁,你好唔開心但你都要笑因為唔想比人知道我傷心,我會慢慢學習呢個道理,”難過要笑”!

願主保佑所有你愛既人 耆英
28-12-04