小雲生日＠傻氣的蜜糖熊｜PChome Online 個人新聞台

2006-07-06 11:02:24| 人氣110| 回應0 | 上一篇 | 下一篇

小雲生日

推薦 0 收藏 0 轉貼0 訂閱站台

為慶祝小雲生日，我地六個人喺星期五晚去左金滿庭，都叫左好多野食，大家仲食得好飽tim。

怎料星期六晚開始唔舒服，又疴又暈想嘔，全身無力，咁我咪提早上床訓，直至星期日，整天個肚都痛，係抽住痛，勁辛苦，飲水食野都唔得，又係咁疴。

到星期一，返到公司，個肚都冇好過，仍舊抽住痛，中午食飯都係邊痛邊食，食完仲要衝去厠所疴（當日疴左四次）...最後決定請左半日假返去睇醫生，醫生話我可以食左ｄ唔乾淨既野，起初我諗極都諗唔到究竟食左ｄ咩野，屋企中只係得我一個係咁...

事後至知小雲同我一樣，又疴又嘔又肚痛，佢話由星期日開始發病（遲我少少），再問返上星期同我地食飯既其他朋友，當中有兩個人有輕微肚痛，依我推斷，應該係金滿庭既野出事，可能天氣太悶熱，食物都容易變壞，而我和雲腸胃比較差，所以我地亦最嚴重，不過唔緊要啦，小痛是福，食左醫生既藥已經冇事lu。

有人叫我地去食環署舉報呢間食店，不過，我個人認為依家都無事咪算囉，何況只係估吓，其實呢間野好好食，下次都會再去，咪無謂攪咁大囉。

當日係小雲正日生日，雖然蛋糕欠奉，唯有叫番兩個壽包賀一賀佢啦。

我要檢舉

#肚疴

台長： * J.T. *

人氣(110) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)