24h購物| | PChome| 登入
2006-06-29 15:29:33| 人氣118| 回應2 | 上一篇 | 下一篇

乏味的六月

推薦 0 收藏 0 轉貼0 訂閱站台


依這半年來說，二零零年六月過得最乏味，很沉悶。

公司枱上放了一個座枱月曆，我會在放工時記低當日的心情指數，轉眼間便累積了六月個的心情，回顧一下，有”哈哈大笑”，”一般”，”痛哭”，”驚慌”，”忙碌”，”發呆”等等，只有六月份，差不多個個圖案一式一樣“目無表情”。幸好，六月份只餘下明天一日了。

可能公司近排淡季啦，比較空閒，唉，其實好唔鍾意呢鍾感覺！

上星期，亞head叫左我入房，好serious咁關埋門講來年採購部方向，又叫我有時間讀吓有關採購課程，雖然無咩實際用途，但概念上都會有d幫助咁話，又叫我得閒講個報價系統俾winnie聽，若我放假都有人幫吓，唔駛佢吓吓出馬...就係咁都傾左成半個鐘有多，跟住亞head又叫左winnie入房傾左一陣，內容大致差唔多，其中一part對話如下（轉述於winnie）H=亞head，W=winnie

H：得閒都讀吓採購課程啦，你日日放工返屋企都無野做嫁啦！
W：我晚晚都有野做，都好忙架！
H：啊，係呀，咁都搵ｄ短期課程讀吓...
W：我會讀ｄ興趣班...
H：咁ｄ興趣班賺唔賺到錢先？

最後winnie梗係無同佢堅持啦，老實講，工作以外就係私人時間，做咩都唔需要同任何人交待，佢果句”放工返屋企都無野做嫁啦”就真係過份左，佢梗係忘記左自己既身份。無錯，出發點係好，但完全唔受落！其實佢都應該去修讀吓改善人際關係課程。

究竟係咪大部份獅子座既人都係咁自我中心，自以為是，自大，主觀和唔容易接受別人意見呢？

我要檢舉
#心情日記#六月
台長： * J.T. *
人氣(118) | 回應(2)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
Hello
其實你head都算係咁！可以有解釋餘地,我老細比你衰幾十倍，只要你有意識意圖解釋，咁就唔洗出去回位做№，由朝到晚(超時)對著佢，有排傾(丙)。唉！返工做唔№，唯有執返屋企開o.T！晚上10:30回家，以為可以同老公傾，點知！佢仲慘過我，餓著個肚開會至零晨2:00！！講都無人信
2006-06-30 10:57:48
* J.T. *
Hello,

謝謝你的留言，的確，我亞head已經不錯，只是有時想呷一下吧了．

你老公的情況，我也聽不少，認識一位朋友既老公，除了平時加班到半夜外，週末老板逢叫必要到，亦試過放工後，老板要求他到其屋企繼續開會直至深夜...相比之下，我固然幸運得多啊！
2006-07-05 13:45:11
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文