「存款易」＠傻氣的蜜糖熊｜PChome Online 個人新聞台

2006-05-09 18:07:41| 人氣45| 回應0 | 上一篇 | 下一篇

「存款易」

推薦 0 收藏 0 轉貼0 訂閱站台

有次家姐叫我幫佢去恒生入錢，當日係星期六，所以銀行超多人，當時已經成十二點，我仲要趕住去第二間銀行...正當我好心急之際，見到一部「存款易」，諗住唔駛排隊會快ｄ啦，輸入完戶口號碼後，按照指示放入現金，我先放入一張$100，等了五秒左右後，再按指示再放入第二張$100，又再五秒...心想我有十幾張$100，咁入法，入到幾時？

轉頭一看，已見有兩位男仕排在我後方，當我再次放入一張$100之際，後面亞伯話：「梗係耐啦，全部一佰蚊紙。」弄得我又急又趕，跟住亞伯又話：「全部(錢)一次過放落去咪得囉～」我忍唔住話番佢：「係要一張一張放入去嫁！唔通一叠咁放入去呀！」跟住心諗，唔對路喎，咁入法的確好慢，唔通真係可以一叠一次過入？跟住我厚住面皮轉頭向後面亞伯：「你之前試過一叠咁入咩？得既咩？」「試過啦，成日都係咁啦～」咁我就把餘下的六張$100一次過咁放入去，點知真係得喎！ = =”

原本想同亞伯講唔該，但果刻卻講唔出，最後我好衰女咁走左，都無講到。

覺得自己好衰，仲要惡過人，真係無諗到我會有咁既反應，好好笑！

我要檢舉

#惡人#「存款易」

台長： * J.T. *

人氣(45) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)