益友＠傻氣的蜜糖熊｜PChome Online 個人新聞台

2006-04-12 16:25:18| 人氣45| 回應3 | 上一篇 | 下一篇

益友

推薦 0 收藏 0 轉貼0 訂閱站台

每當我不知如何做決定的時候，都會問朋友既意見。而今次亦唔例外，反而仲多左一份得著－『原來我有咁多識得為我諗既好朋友』。

與此同時，我發現左一樣野，就係朋友俾我既意見原來亦可以睇得出我地關係既程度，例如，上次直銷朋友叫我去聽講座，雖然我真係無興趣，但又唔想影響我地既大誼，咁我諗緊好唔好念在朋友立場去聽，聽完就走呢？就呢個問題，問左其他朋友意見：

「有種朋友，佢地既答案好中肯，淨係講去同唔去既有咩影響，又話無蝕底…佢既意見無建設性之餘，又幫唔到我，可以不聽；」

「有種朋友，會分析這行業是否適合我，之後建議唔好去，不過最後亦會叫我自己做決定，佢地既意見都值得參考；」

「有種朋友，會以行動支持，聽到後會主動咁話陪我一齊去聽，唔俾我受人影響…聽到後，覺得好溫暖，好多謝佢，佢就係Karen；」

「有種朋友會越講越激動，話我唔識講野，唔夠清晰…佢同朋友談及我時，亦會替我感到不值…佢清楚我既為人，背景，完全唔啱呢行…聽到佢既一番說話後，好有動力，亦好感動，感受到佢說話背後完全係為了我著想，佢就係任我行，真係好多謝你。」

雖然呢件係小事，但人與人既相處，從細微處着手，對了解一個人更能事半功倍。

今日，我好慶幸擁有一位以上不單是玩伴既朋友…我會好好珍惜的！

我要檢舉

#朋友

台長： * J.T. *

人氣(45) | 回應(3)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)