無暇＠傻氣的蜜糖熊｜PChome Online 個人新聞台

2006-03-29 22:28:38| 人氣66| 回應0 | 上一篇 | 下一篇

無暇

推薦 0 收藏 0 轉貼0 訂閱站台

其實公司都唔係好忙，不過工作接踵而來，無停過，一到放工時間，成個人就好似洩左氣既氣球咁，攰到爆。無論私事定公事，都好似好忙咁，ｄ野排住隊等我做，多到無從入手，

等我快ｄ set番個時間表迫吓自已都好，由最近期既開始講起，今個星期五3:30pm book左去剝智慧齒，咁大個女第一次剝牙，真係好驚，但又無得逃避，已經流左成三個幾禮拜牙血啦，食食吓飯果陣，都有牙血滲出黎…剝完呢隻智慧齒後，過多一排，又要剝多生齒，唉，邊個叫我咁多牙呀～

又要搵日上廠開會，雖然我地得三個同事，但就唔知點解夾極都夾唔啱；

朋友Polly喺四月份生日，但因為未過100日，所以我未能同朋友慶祝，但好在佢地唔介意改在五月中才補生日，不過我地都諗住四月份搵日出黎食飯聚舊，仲有Amy及Spencer既生日，我都唔可以同佢慶祝，希望佢地唔好介意啦；

Irene四月尾結婚，我都去唔到，不過我都諗住之後請番佢食飯同送番份禮物俾佢，因為Irene既未來老公係圍村人，所以佢地會擺好多圍，呢種情景我未見識過，真係好想去呀，唯有叫其他人影多ｄ相俾我睇啦；

TT四月尾要去廣州工幹，希望佢平平安安，最緊要係佢都要記得報平安，唔好要人心掛掛，果種感覺真係好難受…

又想學電吓人寫吓網頁，執吓相，好過癮，不過又要錢＄＄＄，唉，呢期支出多左，都係等吓先啦…

仲有既係我想每一日都溫吓書，最少３０分鐘，但到依家，我都未做到，唉，希望四月份開始有一個全新既我啦～

我會繼續努力加油～

p.s.知道朋友們經常都有留意我既日記，就感到萬分感動，原來係有人睇既，咁我寫都寫得特別起勁，多謝各位～

我要檢舉

台長： * J.T. *

人氣(66) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)