沙螺灣之旅＠傻氣的蜜糖熊｜PChome Online 個人新聞台

2006-03-20 09:47:39| 人氣48| 回應0 | 上一篇 | 下一篇

沙螺灣之旅

推薦 0 收藏 0 轉貼0 訂閱站台

星期日與同事一行四人去了郊遊，首先在東涌集合，再坐小船去沙螺灣，跟住行上山頭睇出名既沙螺灣大樟樹，大樟樹有三百年歷史，另一個吸引人的地方是樹徑粗壯，起碼要湊足５至６人才可以環抱。

果度有ｄ斜，沙石又多，我對波鞋又跣，都係好驚一個唔小心跌落山，我又無行山經驗，所以每一步都好小心翼翼，到落番去既時候，ｄ沙石真係好多，又斜，又無人扶住我，最後唯有出絶招，就係蹲下來用手爬地面咁滑下山，不單止唔驚會跌，仲好刺激tim，哈哈。我都係事後至知原來呢棵大樟樹係咁出名，係我地落山既時候，都見到起碼兩班人行上去，但有樣野唔係好明，就係點解咁多人行過，條沙石路都仲係咁難行呢？

跟住我地就行去深屈，我地沿途邊行邊影相，雖然係石屎路，不過又上斜又落斜，原來都幾辛苦喎，淨係行都可以行到心跳加速，依家至體驗到行山真係一種運動，終於行到慕名而來既一間食店，同事話ｄ菜係自種，好健康，仲有自己養既青口（正呀！）…點知老板話潮水既影響，無青口食，攪到我幾無懚呀，我地每人各自叫左一碗公仔麵，一碟菜（一ｄ油都冇），蠔餅，薑蔥蠔。

其實我唔食蠔，但佢地叫左兩碟，我係咁夷夾左幾粒蠔食，算俾足面啦，唔知係唔係先入為主呢，我都係覺得ｄ蠔唔好食，我最多食左五粒就停左手，實在食唔落，最後都食淨半碟蠔餅，埋單後，個老板公然攞果半碟蠔餅俾隔離枱，問佢地食唔食...睇到佢咁既行為都嚇左一跳，咁頭先我地食果碟又會唔會…

第二日，有兩個同事都話返到屋企後勁肚痛，可能ｄ蠔唔乾淨，而我當晚食完飯都有肚痛，不過我應該係腸胃差至會係咁，加上我係食得最少果個，應該唔關事卦！

我要檢舉

台長： * J.T. *

人氣(48) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)