永遠懷念您－外公＠傻氣的蜜糖熊｜PChome Online 個人新聞台

2006-02-05 13:30:07| 人氣62| 回應0 | 上一篇 | 下一篇

永遠懷念您－外公

推薦 0 收藏 0 轉貼0 訂閱站台

2006年2月3日（初六）星期五

今早七時十分左右，鄉下既電話把我們驚醒起來，佢地話外公手腳變了黑色…媽媽也開始亂起來…不久媽致電叫鄉下既人轉告外公，話佢係香港番緊黎，要外公撐落去，點知不出五分鐘，電話再次響起，傳來既消息話外公已經走了……我都呆住了，我以為我會比媽媽堅強，怎料當我致電通知同事及朋友時，只係講外公走左，我既眼淚已經忍唔住不停咁流出黎……

跟住媽媽趕回去，而我與二位姐姐晚一點也趕回去，當時已是夜晚七點幾，正在打齋．．．由於我年齡相沖，所以封棺及開棺既時候，我都不能在場，連瞻仰遺容也錯過了，只能聽姐姐們描述，整晚大家都無訓咁滯。打齋都無停過，跟住到零晨五點幾，開始封棺，大家再跪拜，跟住就開車往惠東既殯儀館火葬及撿拾骨，望住副棺推入個爐之際，ｄ親戚叫我地叫外公，我都有叫“外公，你安息啦~”一個鐘左右，出番黎既只係ｄ白骨，跟住ｄ工作人員喺我地面前撿拾骨放入預備好的金塔內……有好大既感受，覺得好快，咁就得番ｄ骨……

之後，做埋ｄ儀式，我地就返黎香港啦。

外公都有九十，叫笑喪，相信外公都會好安慰，因為佢既四名子女都有黎送佢最後一程，加上兒孫姪滿堂，真係一大安慰；另一面廂，我仲睇多一樣野，就係ｄ親戚將自己醜陋既一面暴露晒出黎，真係好醜惡！無論佢地對外公點衰都好，相信外公都會原諒佢地，外公真係好值得我地去尊敬。

“外公，永遠懷念您～”

我要檢舉

台長： * J.T. *

人氣(62) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)