身上僅餘幾蚊...＠傻氣的蜜糖熊｜PChome Online 個人新聞台

2005-08-18 01:07:58| 人氣31| 回應0 | 上一篇 | 下一篇

身上僅餘幾蚊...

推薦 0 收藏 0 轉貼0 訂閱站台

星期日與你出街後回到家才發覺銀包漏在你袋中，你說星期一放工後歸還給我，本以為沒有銀包都無問題，點知八達通剛好負錢（我又無錢係身），返工前唯有攤大手板問媽媽攞錢用，又唔好意思攞太多，只係攞左$50左右，食完宴，買埋野，身上仲有一張十蚊紙同其他散銀，放工仲要去石峽尾返學，諗住用呢張十蚊紙買地鉄車票，見張錢好唔直，咪放係枱底"擇"住佢囉．

點知放工後落到地鉄站至記起張十蚊紙仲喺枱底度，即刻睇吓散紙包，計計埋埋，好在都有十幾蚊，搭返學用左$11，仲剩$4，啱啱好可以放學搭去旺角攞番銀包．唉，忍唔住打左電話俾同事，講左俾佢知我既情況，點知佢哇哈哈咁笑左出黎．

返到學校，同隔離同學仔講我今日無錢交學費，身上僅餘$4蚊，點知佢聽完後，問完我點樣返屋企，又話借錢俾我交學費，咁我梗係話唔駛啦，過多一陣，佢攞左張$500出黎，話借俾我交學費先，餘下既叫我留黎傍身，睇到後我都打左個突，最後我都婉拒，話幾蚊就夠，佢就借左張$20蚊俾我...

同學仔既行為實在意料之外，佢算唔算係有人情味呢？其實同佢唔熟，起初諗住問佢借幾蚊，我都唔好意思開口，點知佢咁熱心，對佢有ｄ改觀．原來呢個世界仲有好人gei！

我要檢舉

台長： * J.T. *

人氣(31) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)