廣交會＠傻氣的蜜糖熊｜PChome Online 個人新聞台

2005-07-22 16:03:28| 人氣71| 回應0 | 上一篇 | 下一篇

廣交會

推薦 0 收藏 0 轉貼0 訂閱站台

唔知係唔係落雨既關係呢？攪到心情都唔知點咁。又唔想做野，個人懶洋洋咁，總之覺得好煩啦。

尋日與Henry同另外三位廠家去了廣州，幸好他要趕回香港返學，如果唔係，實要食埋晚飯，又可能要hee吓，成九點，十點先返到黎。本身諗住去廣交會睇紙既展覽，但竟然印前仲多過紙，唉！不過睇完之後，都有一個總結就係，我地公司質素及要求真係幾高，因為好多廠都未能符合我地要求。同時國內既廠仿真水準越來越專業，唔係唔夠佢地玩！

仲有一件趣事，就係我同Henry行緊展覽既時候，佢電話響，咁佢就坐喺休息亭傾電話，我自己就周圍行，行左陣，咪返去搵佢囉，點知見到佢向我方向行過黎，話時間都差唔多，諗住走，跟住行多十幾二十步，佢突然話「咦？我個袋呢？」我地大家對視兩秒左右，跟住我二話不說就跑返佢頭先坐嗰度(Henry都有一齊跑)，跑到去，幸好個袋仲係度，攞番個袋，俾番佢時，我都忍唔住話：「你真係哎！」

跟住我地就係廣州坐火車落深圳，上左車無耐，我既眼皮不其然咁跌左落黎，就係咁訓著左，直至差唔多到深圳火車站先醒，見到Henry喺度睇緊本好悶既書，仲要無瞌眼訓，不得不佩服佢！勁呀！

幅相影得好靚，鳴謝亞Ben，我都好想影到呢個效果！

我要檢舉

台長： * J.T. *

人氣(71) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)