香港怪人多＠傻氣的蜜糖熊｜PChome Online 個人新聞台

2005-06-29 14:23:10| 人氣36| 回應0 | 上一篇 | 下一篇

香港怪人多

推薦 0 收藏 0 轉貼0 訂閱站台

依家香港哋ｄ怪人認真多，咸濕既又有，變態既又有，痴線既又有．．．唔係俾你撞到，你都唔信！之前我同朋友講有好多人麻乜佬成日博人懵（親身遇到兼聽到既都唔少）點知呢位朋友竟然答「邊有咁多咸濕佬呀，邊會咁得閒成日摸人呀？唔小心咋嘛？」真係唔知佢\係無知定幼稚！佢\係男仔，未見過既唔代表無呢ｄ人嫁嘛！同佢\講都嘥氣！

上個月左右，試過放工喺巴士站等車果陣，我喺度傾緊電話，突然覺得有水滴落我個頭上面，初時以為上面滴水，咪行前多兩步囉，點知跟住又有幾滴，咁我開始覺得奇怪，發覺哋下都無濕，就知唔係滴水，一轉頭見到有兩個男仔，最多二十歲，佢\哋每人手執一包利賓納仔仔，一個就飲緊，另一個就楂住，個飲管向住我方向，佢\哋見到我望住，當堂收晒笑容，我再望下件衫，又無紅色既漬，又無證無據，原本想破口大駡，但我又諗呢兩條PK (<=實在忍唔住要爆粗）一定死口唔認，咁我咪好“火羅”，所以我索性轉身望住佢\哋等車，一邊怒啤佢\哋，佢\哋顯得好唔自然．．．直至有巴士到，我就上車走左。原本我想用電話影低佢\哋個樣，可惜電話無位．．．

尋晚放工，我又喺巴士站等車，我排喺一位女人後面，我喺度傾電話，就喺呢個時候，有個男人迎面而黎，用手指篤左我前面女人個背脊，跟住個女人擰轉頭望左我一眼，再望下我側邊，跟住就轉返前面，我以為個女人係識個男人，仲以為個男人想叫佢\，我再望下個男人，佢\已經走到無雷公咁遠．．．之後個女人仲轉頭望佢\自己背脊，驚我整古佢\咁，果刻我好無奈，明明唔關我事，但我又黎唔切俾反應．．．唉！

點解依家ｄ人可以咁叉無聊？嘜咁好玩咩？依家真係乜人都有，大家要小心ｄ呀！

我要檢舉

台長： * J.T. *

人氣(36) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)