初戀＠傻氣的蜜糖熊｜PChome Online 個人新聞台

2005-06-24 14:44:53| 人氣60| 回應0 | 上一篇 | 下一篇

初戀

推薦 0 收藏 0 轉貼0 訂閱站台

與同事傾開初戀，大家都雀躍萬分，我既初戀係中二，佢係band 1男校讀，又識得吹口琴，個樣又夠cool，都幾吸引架，同佢一齊都只係短短幾個月，雖然同佢無咩感情，但都喊左一，兩晚，諗番都覺得好傻，呢ｄ咪就係puppy love囉。

之不過，最令我深刻既並不是初戀，而是一些似是而非既關係，估估下既才最窩心的，嘻！

記得小學六年級既時候，有個人細鬼大既鄰班男同學，佢暗戀我，（點解我知？咪就係佢個好朋友同我講囉，其實都可以叫做明戀，好多人都知）仲記得當時好興手工藝，佢仲親自做左一個，加埋心意咭送俾我，好好笑，係畢業嗰日，佢仲偷影左我張相tim，當時真係又好嬲又好笑。

又記得我以前暗戀一位住在我樓下既男生，媽說我與他是同一幼稚園，雖然未曾與他談過一句話，但卻十分喜歡他。記得搬家後有一次在巴士站見到他，覺得很有緣，幾年沒見既他仍然英俊，樣子有點孩子氣，穿著白恤衫既他在人群中更顯與眾不同，在我偷望他既同時，我發覺心跳開始急促，雙面通紅起來．．．

又記得有次鍾意左一個大我十年既同事，嗰種感覺又係好特別，佢會刻意等埋我放工，一齊走，係巴士站陪我傾計直至巴士黎佢先走，佢又會買小禮物送俾我，我又會回吓禮，有次佢扶我而捉住我隻手（好大好溫暖），嗰刻好有觸電感覺．．．嗰時係公司見佢行過，嘴角都會自動向上，無奈大家相距太大．．．

又記得．．．

疑幻疑真既關係實在講唔完，與同事你一言，我一語，大家樂在其中，回味無窮．．．

我要檢舉

台長： * J.T. *

人氣(60) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)