幸福又是什麼 彩色世界。精彩人生。

53愛的鼓勵 0訂閱站台

當我以為用兩日時間煲完Sex and the City 第四輯時(共18集)，已經自覺有d癡線的時候，你倒是說用兩日時間煲完第三輯同第五輯，我即刻覺得你比我更癡線，對Sex and the City 完全上癮了。

因為是你借俾我睇嘅，我當然想快快趣睇完，咁我先至有話題同你講。我覺得自己好似備課咁，呵呵！

不過你話會燒碟俾我(第三輯同第五輯)，我覺得好開心~ 你問我燒隻碟俾我好唔好，我當然話好喇，嘻嘻！

當然我同自己講人哋燒隻碟俾你啫，駛唔駛咁開心呀，其實都係好普通，唔好諗多咗...

基本上當我同你在談論第四輯時，我眼見同枱食飯的蕃茄的表情有d怪，可能是我同你掛住講Sex and the City ，講得太興奮冇埋到蕃茄掛，而蕃茄又答唔到嘴。

你又學Mr. Big戚眉，好得意^^ 而當我煲第四輯睇到Mr. Big戚眉時，我真的忍唔住笑，因為我想起你，同埋你戚眉戚得都唔似Mr. Big嘅。

之後你出咗pantry，蕃茄話有興趣睇功夫熊貓Kung Fu Panda，我都有興趣想睇尼套，之後我又話想睇KERORO大電影3，跟住我同蕃茄就係咁講KERORO，講到一半你入返pantry，你又講埋一份，我覺得好開心，因為遲d食飯真係值得，可以同你一齊食飯、同你講嘢，其實可以坐你隔離我已經好開心。

基本上我已經開始習慣同你、蕃茄仲有靚太一齊食飯。因為總有d笑料~

好傻豬呀！！！

當我從老豆地口中得知靚太舊年曾經介紹過女仔俾你時，而你又覺得唔啱而冇下文時，我真係鬆咗一口氣但係又有d緊張，因為我好想知個d女仔係乜類型，正確d講應該話我好鬼想知你鍾意咩類型嘅女仔。

正正因為我同你都係近排先多咗機會講嘢，又唔係好熟，我都唔知你點睇我。或者係你心目中，我只不過是公司隔離部門女同事，咁啱又鍾意睇Sex and the City 啫~

好彩有老豆咋，佢叫我冷靜d睇定d先喎。因為我打電話俾佢同佢傾之前，真係有諗過好唔好向蕃茄攞料，因為你同蕃茄好熟丫嘛~

我真係驚有日忍唔住死衝動真係向蕃茄攞料呀~~~~~~~~~~~~~！

老豆話公司戀愛要特別小心，佢話男追女追唔到都冇乜嘢，但女追男衰咗就始終有d尷尬喎。佢仲話會幫我打聽吓靚太介紹咗d乜女仔俾你，老豆真真真係好多謝你呀！老豆你對我真係冇得頂呀！

不過其實食飯時同你講過嘢，我真係calm down咗，冇咁不知所措。

其實我鍾意你d乜呢？

我都唔知，我只係知我同你都幾好傾，好想同你講多d嘢~