狄倫的點滴 過往的點點滴滴，我也難以忘記， 只因為你，才令我把開心難忘的小水點逐一收藏起來，成為我日後細味回憶的泉源．．．

191愛的鼓勵 1訂閱站台

其實有時連我自己都搞唔清
未入黎之前我的確幾希望自己有機會做到呢份工
除左因為想找到一份全職外
或多或少都想同你係埋同一間公司做野

最後夢想成真也好
錯有錯著也好
唔經唔覺已經係度做左差唔多四個月
而呢個月亦收到澳大個邊ge offer
曾一度考慮過要不要選擇繼續在這裡工作
因為發現自己係呢度要學ge野仲有好多
而且先開始上手又要走人
同埋跟你ge共同話題又要少左個

唔知點解平時做緊野個時
你經過走過眼角總會注意到咁
抬頭望一望就肯定到係你
可能因為你個身形太與別不同喇
又或者間中聽到那邊傳黎ge奸笑聲
一聽就知道係你

最搞笑ge都係你整爆部碎紙機
之前明明見你用得好地地
點知行出行入轉個頭就見到你係度掃紙碎
打爛d野搞破壞都係有你份ga喇

唉
感覺就係咁樣古古怪怪
或者係自己一直以黎仲未有一個實實在在ge答案
搞到自己仲係度諗東諗西
不切實際咁希望一番啦
喜歡一個不喜歡自己的人真係煩
請盡早打破我這台戲