昨天參加了澳門人自搞的野外活動。
起初以為是去賞花目樹，但坐了一小時的車程才知道今次的行程是野外求生、活動。
當時報名的時候，自己真的不想去，同埋一d唔太熟ge人去，去外睇睇野就咁用左一日，真係有點不值。但今次去過一趟，感覺50蚊付得物有所值。
整天分別玩過了高空走吊板和一些求生遊戲等等。好似用一條繩子圍成圓形的地雷區咁，手上工具只有一條麻繩，自己一team人要在十五分鐘內諗最多ge辦法去攞中間樽水，結果諗得4種方法...事後教練話呢個訓練ge最高紀錄係諗到二十七種方法...=.=
另一個就係穿越一個類似蜂巢狀的網，但形狀大小不一，模擬我們現在走難逃國，各人要互相幫助穿越這個充滿高壓電的網。結果我們第一次逃跑就已經電死晒頭三個人，教練要我地重新相討過，最後叫做順利過左7個人吧!(如果真係有電ge話相信我地全部人都會電死晒，因為抬人過去時我地d手觸碰晒條繩...=.=)
我覺得最有意思ge就係玩一個孤島逃生，一team人分成三組分別漂流到珍珠島(正常人)、啞人島和盲人島。在島上各自都有一些任務，而我身處的啞人島要幫助盲人島d人逃離，但又講唔到野通知佢地，結果要做手語令正常人個邊d人幫忙通知，最後任務亦完滿成功。原來這個活動背後藏著一些現實道理，珍珠島、啞人島和盲人島分別代表了社會上的高層、中層和基層的人。基層學識不高，只會賣勞力，只能聽從任何人的吩附做事，中層作為前後者的傳遞人，聽取基層的聲音，從而反映給上層。自己親身玩過，對這道理感受更深，的確無錯，盲人自己甚麼也做不了，只能接受我們這班啞人、正常人幫助，我們無論對他們做的事是好是壞，也不由得他們不聽從...
總括來說今次活動都算玩得開心。
~~吹水完畢~~
文章定位：
