也來簡說一下今天上的課吧!(星期三）
今天看來亦好像很少課程要上---高等數學&造型基礎，可是上課時間卻分別是9:50 – 12:15 & 14:05 – 17:35 ，真係唔明點解一個課程要連續上咁鬼來! 唉! 之前我都諗住今天都叫做好d吧! 起碼不用太早起身，可是不知道係咪睡得太多反而有反效果，無論早上和下午上課時都「hub」眼訓，嘿嘿!我終於回復上堂的本性了~~諗住上午放學後可以回宿舍午睡一下，點知原來d時間係唔夠容許你!!! 唉! 食埋中午飯返到宿舍已經成一點鐘，又要「浪」埋d衫喎! 整整下都成一點五個字，我地又默認左點半係樓下等埋出發，唉! 飯都未落肚又要起程返學…>.< 返到去上堂先知死，估唔到讀城規要學素描，真係富有藝術色彩…= = 講師就用盡d時間作介紹、show圖片，話下次叫我地帶齊繪畫工具，準備開工…期間經我那位「香港」同學叫做認識了兩位女同學，可是我連其中一個的姓都讀錯左…搞到佢地捧腹大笑 = =，她叫孟青，大家不知會將「孟」發成咩音呢…不防在留言時注下音標(不要先查字典哦!!)。
後補：
剛才7:56p.m.收到班長的電話，話8:00p.m.要開班會，叫我現在走去行程為十五分鐘的圖書館開，唉! 咁我咪一路大罵佢一路飛奔過去，走到去已經係8:10p.m.，其間我在想為何會選擇在圖書館開會呢? 事關我發現周圍都係靜俏俏的，真係有好多內地生在埋頭苦幹讀書，英文、數學都有…= = 點鬼知走去到第一眼就望到成堆人坐晒係度，睇住部電視…這時我才知道原來大家是在看圖書館的簡介片段，為時45分鐘…原來班長話要我地一齊來睇睇，對日後申請圖書証有幫助!!! 這是甚麼大學來!? 整個証都要先睇d垃圾簡介片，咁就浪費左我一個小時…
文章定位：
