昨晚與俊男、凱峰、佑豐一同前往佳景溜冰場獻出我其中的第一次。18歲人也未試過溜冰，起初以為溜冰是十分容易掌握的，只是去一次便足以學懂，在冰場上暢快地滑來滑去，甚麼妄想日後可以親自敎人，共享二人世界...^^
唉!世事真的不如你所想那麼美好(幻想症又發作了嗎!?)，在休息室內脫了波鞋後，一腳踩在地上，「哇!個地咁濕ge!?」我大叫。「係咁ga喇。」俊男冷冷地說道。唉...我那雙靚襪唔駛要lor，踩到黑晒...>.< 之後我只好死死地氣穿上那對溜冰鞋，「哇!!乜對鞋入面都濕ge!? damn!」我再次大叫。「唉!對對都係咁ga喇。」俊男又說。我心想：「算數!為左日後的幸福，唔理得咁多!」當穿好後正要起身之際時，oh my god!點解企唔到咁!?我見俊男、凱峰佢地企得四平八穩，步行如平時，點解我會...原來我連企係度都唔掂，仲想走出去溜...經過好幾分鐘的學習後，我依靠俊男佢地的肩膀震下震下咁走到入口前，真係一步一驚心，我終於可以落場喇!
點知走到幾乎零摩擦的冰上，才知道我真正要面對的困難才出現。結果我真係好似電視劇d人咁，淨係識得靠住有扶手的旁邊，死下死下咁扶住走來走去，隻腳又係咁震，又見到俊男、凱峰、佑豐佢地班人係咁在我眼前滑來滑去，天呀!我的夢想看來要幻滅了>.< 之後經過他們的一些指點後，我算是學懂一下怎樣平衝自己，直立企係度，不過我仍然受人擺佈，鐘意幾時推跌你就幾時...唔跌過就唔識長大(可是我學踩單車時也未曾跌過啊~~kaka)，結果跌過好幾次便識識地溜了(而且我的醜態也被凱峰部手提錄了下來...=.=)，雖然還是震下震下，但都可以自己滑到對岸，就黎跌到時仍然可以保持平衡，可惜到我識溜時已經用上了2個鐘，來到10:30pm收工散場了，結果也被逼返回休息室，當我再次踏上那濕地氈時，我真的做到「步行如平時」了，相比在冰上走路，這裡實在容易得多了~~
現在學懂少少後，便希望下次再去玩了! 一定要實現我的夢想我才死心的。(不過入場費也不便宜，學生價盛惠30元 =.=)
文章定位：
