今次的工作便是到噴水池派一千張宣傳單張，幸好有宇昊哥的幫忙，一人分一半。
唉!起初以為派傳單只是一份輕鬆的工作，平時在街上見到的，都只係企在同一地方，伸伸手就可以了事。可惜真正做到才知道派傳單是怎樣的一回事，首先，你必須放下自尊，勇敢地伸手出去派俾人，即使食”檸檬”都要硬著頭皮接受!有些人更用鄙視的眼光望著你，或者當睇你唔到!唉...冇法喇!為了搵多幾個錢，點都要派晒佢>.<
我一直站在街上，看見街上的人來來往往，看見小孩拖著父母的手，蹦蹦跳跳地走在街上，唉!他們還不知道賺錢的辛酸啊~~看見青年人帶著自己的男/女朋友，拖著手仔在商店進進出出，唉!我都好想咁呀...^.^ 自己也曾經在這條街上走過無數次，但今次同樣站在這裡，感覺可不一樣哦!以前懷著花錢的心情行街，今次就懷著賺錢的心情在酷熱天氣下派出汗水和聲線(小姐/先生，攞張黎睇睇啦)。
另外，工作期間都遇到不少旅客問路，而且大多是內地遊客。唉!我那可憐的普通話啊~~先是聽不明他們所問的地方，記得有次被問到”哪裡有小吃呢?”，我摸不著頭，心想：”小廁在哪裡?” 唉!最後他們要做食的動作我才知道，講出黎都自覺慚愧...明白問題之後，便要用”唔鹹唔淡”的普通話教他們點樣去。看來返到國內讀書時必先學好普通話啊!!
p.s. 在此我真係要多謝宇昊哥幫我派d傳單喇!佢聲又唔出...係咁伸長隻手俾人，梗係派得鬼死咁快啦，結果佢派完我都仲有成幾百張未碰過，全靠他幫我分擔一些才能提早收工(不過我地都用了兩天完成...)，不過我都有幫佢出過車錢同請佢食過野ga。
文章定位：
