Bleeding Behind The Mirror 水月鏡花　空中樓閣

447愛的鼓勵 0訂閱站台

(非廣告，因為佢地亦唔會有錢賣廣告，所以我係真心推介!)

可能係我最喜愛的太子區茶餐廳小店。
創意生活人嘛，有時難免遲起身。女人嘛，執樣搞到遲到亦難免。

呢間位於太子始創中心對面嘅洞天茶餐廳，早餐時間係去到中午12點!
有時加班到夜晚唔知食乜好，去佢地度食宵夜餐又得, 他們的宵夜時段比其他餐廳更早, 於晚上9點半就開始, 直至11點半都仲可以吃到宵夜餐！
(其宵夜餐牌與下午茶相同，下午茶時間為2點至6點半)

其實，佢地全間餐廳最貴的小菜套餐，都只係50蚊港幣，仲要係近來因為成本上漲而逼住要加價。

太子區服務基層的餐廳已經愈來愈少，佢地要捱貴租金，但食品加幅係比通漲低!

喺香港，用最低時薪去茶餐廳可以叫到一個完整套餐嘅地方已經買少見少，我感覺到呢間餐廳嘅老闆係有心人嚟。

而且，食物質素ok之餘，員工們並唔會西你面，態度幾好架 😊