走入又一城page one, 翻譯小說的一個section, 往往聚了一班年青潮人, 拿著一本村上春樹的什麼森林出力地看,看樣子都似是城大學生, 男男女女聚在一起, 似是看書, 實則互介. 我....未步入林狗的3字頭, 不過都快架啦! 家父係陳寶珠年代一著明流行曲監製, 更加買下了.....女殺手, 情花開, 年年歡樂(歡樂年年), 表哥表妹表錯情, 兩心印....等不朽經典的版權, 今當市面上有經典金曲回憶集推出時都要給我家父版權費, 而我的alpha romeo, armani, rolex 都是靠這些版權費買回來的, 真的! 你不會相信東南亞一年會推出多少張這類娘爆的唱片. 我基本上不用工作, 實際上, 我的工作主要係"識女仔". 聽聞page one的sales清一色女仔, 重要係高水準, 好奇心迫使下便走走看看.
為了扮哂有別於一般睇電車男小說的電車男女, 我決定企o係史提芬"驚"o既小說果行, 隨手拿起了之前一個section的一本6.4民運歷史瞄瞄....(過了5分中)....出現了!!! 這個page one天使終於出現於面前, 正在步近, 我便以箭步衝上及搭訕, 我開口的第一句就抄了當年亞飛正傳內張國榮介張曼玉的一段說話, 我指一指書的封面, 對住page one天使說"1989年6月4號, 3點前的一分中你記唔記得自己做緊乜? eheheh..... 唔記得唔緊要, 重要o既係2005年10月17號3點前果一分中你同我渡過呢!" (當說到"eheheh"時, 手指是放在果女仔唇上的, 企圖叫她hold住)
她答" 喂亞叔你做咩呀? 89年做過乜我點記得呀? 得幾歲, 你想介我呀? 唔該你排隊啦, 我今日收左後面果班電車男o既第9隻hermes杯啦"
我當然係打了一個特啦, 亞叔呢一個字係幾有攻擊力, 強到連菲利個探測器都會爆果種, 想起自己的肚腩及脫髮, "亞叔"這稱號, 不認不認還需認. 原來自己差不多可以做她爸爸............89年佢得幾歲?!!! 不過雖然被落了面, 但硬著頭皮都要還擊.
我說" 我諗你搞錯左, 我係要搵俄羅斯小說家"安哲樂克柴可夫爾樂普卡科"果本"明日之前的黑色白馬"? 唔好話比我聽冇喎, 睇你個樣好似冇喎, 搞錯呀! 呢度都冇, 激死我!!! 激死我!!! 激死我!!! 咩service呀?!!!吓? 吓? 咩service呀?!!!"
然後我立即擰轉身, 急急腳跑出書店, 這時眼淚終於可以流出來了.
----------------完--------------------------------------------------
*表哥表妹表錯情----o既下集大概係"表叔表嬸對對錶"
讀者注意....冇呢首歌架!!
*圖為友人飲醉後發現被偷拍時的反應, "他平時是斯文書生"
文章定位：
