放咗工之後,
同咗個同事兼朋友去咗食晚飯,
雖然大家都係跌入”貧窮線”下的小朋友,
但係都喺大家”糧尾”嘅時候,
出去豪一個豪~~~
食飯嘅過程,
好開心, 好有十幾年朋友冇見,
”再度重遇你”嗰種感覺~~
佢好關心我嘅近況,
好關心我伴侶嘅近況,
亦好關心我同我伴侶之間嘅關係.....
當然, 我所指嘅關心,
並唔係”八卦”, 而係由衷嘅關心。
真係好多謝佢!!
(如果佢有睇到呢日嘅日記嘅話, 希望佢都會有touching嘅感覺。)
食完飯之後,
兩個個銀包都同時患上咗”乾硬化”嘅女子,
去咗附近嘅商場,
發揮女人天生嘅本性,
係咩呢?
就係齋睇唔買!
齋試唔買,
試完同sales講:”我都係要再考慮吓...”
仲要阻住人哋收工!
認真”厚顏”!!
與友人分手後, 各自歸家。
回家嘅路途好長,
望住窗外嘅風景,
突然, 諗起我一位喺公司好要好嘅一位同事兼朋友,
佢最近又有好事近了,
我都為佢而高興。
好事並唔係因為佢要結婚,
而係佢又拍拖啦!
呢次嘅拍拖, 佢成個人好唔同,
同上一次都好唔同,
上一次嘅拍拖, 佢淨係同我講:”我有女朋友啦。”
好似通知我咁....
今次嘅拍拖,
佢好開心咁同我講:”阿THY!!我又拍拖啦!!我覺得我係全世界最幸福嘅男人!”
我唔係寫得誇張,
佢同我講嘅時候, 佢面上嘅表情,
同上次比較, 簡直就係兩個樣啊!!!
呢段剛開始嘅感情, 開始咗一個月都唔夠,
第一次同我講嗰陣, 就已經開心到咁,
及後嗰幾次見到佢嗰陣, 佢就不停咁同我講:
阿THY, 我覺得我好幸福啊, 我覺得我係全世界最幸福嗰個啊!!!
佢咁嘅”烚”樣, 係人都知啦,
係嘅, 剛開始嘅感情, 係會由心度笑出黎嘅....
到處都會散發住一啲好幸福嘅氣息,
講真啊, 我真係好為佢而感到開心,
唔係因為佢又再度地有人要啦, 我要為佢而開香檳, 大排筳席...
而係, 佢今次唔淨止淨係付出佢自己,
佢仲有收穫架!!!
見到佢, 好似見到兩年前嘅自己,
曾幾何時, 我都覺得自己係全世界最幸福嗰個,
咁係咪而家覺得自己唔幸福呢?
又唔係, 而係幸福好似愈行愈遠,離我又遠咗一點了。
返到屋企, 見到伴侶好攰....
攤咗喺梳化度, 郁都唔郁,
活像一具死屍。
心想: 我都好攰, 如果可以的話, 我想做你....
再望吓枱上食淨嘅飯盒, 未執嘅碗....
心想: 好啦, 見你咁攰, 我執啦!
一口氣做好所有嘅家務,
伴侶依然維持之前嘅姿勢,
與”周公”下棋!
心想: 快啲沖完涼, 就可以快啲瞓覺~~~~~
一入到廁所....
唉....
身同心一同嘆氣~~~
見到遺留下伴侶一個又一個的”蘇州史”,
完全唔會有
一個給我容身的位置。
心想: 我之不過想沖一個涼啫....
唔知係唔係因為呢幾日都有肚瀉, 肚痌,
我已經再冇力氣去執走埋佢啲”蘇州史”....
我決定離開。
離開前,
冇同佢講一聲,
原因係唔想嘈醒佢,
只係留下了一根的字條,
字條上寫咗已經為佢洗咗碗, 倒咗垃圾,
連明天要起身嘅時間都調較好了。
又或者係因為,
我開始作病了。
所以, 我連開鐵閘都冇力,
冇力到. 我靜靜咁開閘,
靜靜咁閂閘,
然後, 靜靜地離開。
離開前, 回望了伴侶一眼,
都依然係郁都唔郁,
活像一具死屍。
唔知係唔係真係作病啦,
身體好似愈來愈攰, 愈來愈無力,
拖住沉重嘅身軀,
一步一步咁,
由樓下行去巴士站,
我終於知道,
咩叫做”寸步難行”。
行到巴士站,
我望住部電話,
期望伴侶嘅來電....
午夜十二點十五分,
巴士沒有來,
伴侶的來電也沒有來。
午夜一點十五分,
我已經返到姐姐嘅屋企,
仲沖完個熱水涼出來,
我問家姐:”我個電話有冇響過啊?”
家姐答:”冇喎!”
再睇吓部電話,
真係一個”未接來電”也沒有。
午夜兩點十五分,
我打緊我嘅日記,
家姐叫我去瞓,
唔舒服就早啲瞓啦!!
但係, 我瞓唔著,
唔係因為我要趕起我嘅日記,
還期待伴侶嘅來電?
我諗呢個都係其次啦,
重要嘅係, 我開始發燒。
發燒, 我根本就瞓唔到.....
媽媽呆住了, 媽媽問我仲有冇痌?
何止啊?仲有嘔,
媽媽問: 幾時嘔架?
我答: 沖涼嗰陣囉!
媽媽話, 如果我夜啲, 燒得更緊要的話,
就要進急症室了。
心想: 今晚, 應該不會收到他的來電了。
幸福,
又離我遠一點了。
文章定位：
