得到幾多?失去幾多?計算得到的又有幾多?＠~。☆~欲語無言~☆。~

2006-12-23 00:06:51| 人氣288| 回應2 | 上一篇 | 下一篇

得到幾多?失去幾多?計算得到的又有幾多?

推薦 0 收藏 0 轉貼0 訂閱站台

真的有很久沒有寫網誌了!即使有時聊聊數筆，但不可以暢所欲言，令我對寫網誌有點意興闌珊，將來當我再回看這一段生命的空白時，我到底會否後悔呢?我不知道!但我總希望盡量將我可以說的感受說出來，因為我怕將來自己會不記得自己在這一段日子到底做過了甚麼、過的到底是怎樣的生活!

自從3天之前我考完最後一科的考試之後，我終於嘗到失業的滋味了!!只是不停不停盲目地send求職信，令人感到身心都很疲累，想起一大筆負債令加令人不寒而慄!換來的就是一個「大學畢業生」的虛銜，到底值得嗎?我到現在仍不曉得!對我來說，我只是接受命運給我的一切，我從來都不曾去強求甚麼，對於命運給我愛情，我會盡力去愛;對於命運給我的機會，我也會努力去嘗試。對於命運給我的考驗，我會努力去捱過。至於到頭來得到幾多?失去幾多?我真的很少會去計算。

相信「命裡有時終須有，命裡無時莫強求」!睇<<一擲千金>>見到那些人們為了一筆根本就不屬於自己的錢而狂喜或痛哭，真的覺得很可笑!睇呢個節目令我明白到，知足真的很重要，如果那些人懂得知足，根本就唔會輸得咁慘，如果我係佢地，即使只係拿到一千幾百，我都會覺得賺左，因為在那裡根本無野係你應得既!那些人都是因為太貪，太得一想二，到最後搞到一無所有。就好似最近上去玩到喊個靚仔咁，如果佢接受了那39萬而唔係奢想得到300萬的話，咁佢同佢家人的生活都會得到大大的改善，你諗下39萬喎，雖然唔係話好多，但係幾多人日做夜做，捱生捱死、死慳死抵都可能要儲6至7年先儲到，而家咩條件都無就比左你，咁你仲唔心足? 又好似之前有一集D人成日都話那個人接受了20幾萬而唔博落去點知到左最後原來個箱係300萬，真係唔抵!睇電影見到當時人同佢家人都好係好DUM心、覺得好唔抵咁，但我就唔覺啦!其實有咩咁唔抵0者，無論3萬定300萬都唔係你應得架啦!D錢係只你好彩執返來。你諗下，即使係投資都要付出同冒風險啦!而家你咩都唔駛付出就有人比錢你仲想點?只要明白呢一點，你就能夠用平常心去面對一切，如果比我係當時人，我都好有信心自己能夠面對無左300萬處之泰然，唔係因為我唔貪錢，只是我唔會去奢求唔屬於自己既野0者!

我要檢舉

#淡看得失#知足常樂#心情分享

台長：小米