24h購物| | PChome| 登入
2003-10-07 14:03:56| 人氣71| 回應0 | 上一篇 | 下一篇

好好朋友的約會

推薦 0 收藏 0 轉貼0 訂閱站台

琴日公司超級多野做...
一黎老闆又岩岩o係美國番黎,
二黎D客又唔知做乜鬼野一次過寄晒D資料比我地,
三黎仲要我亞頭飛左去美國,
搞到我又係要咩野都自己一腳踢... 我都唔知點解自己成日都會有咁既情況出現~ 往往好多野做既時候都係冇乜人可以幫到我既.. 琴日番工既心情簡直係DOWN到落谷底囉~

加上我約左一個好耐冇聯絡既中學好好朋友~ 都諗住咁多野做出唔到去架喇.. 但係一心又好想出去喎... 所以就算大家係約到好夜.. 成十點幾都照出囉~!
而家多數約人既地方都係尖咀和民.. 一黎唔洗諗.. 二黎o個度又開到好夜.. 氣氛又OK咁呀~!
同好好朋友都真係有成兩年幾三年冇見過又冇聯絡喇.. 但係大家一見到面依然可以不停講野.. 好多野講囉.. 始終~ 覺得叫做朋友既就係咁架喇~~ 大家講番以前..而家既野.. 講左好耐.. 感覺真係好好~! 好舒服呀~! ^_^
我地食野食到成十二點幾, 之後仲去左間BAR繼續傾添... 傾到成二點先番屋企呀~! 但係大家仲有野未講完咁架~! 真係.. 講唔停口... ^_^

琴日明白到一樣野囉~ 就係原來有D人就算唔係o係你身邊, 但係都會諗住你既野架... 好好朋友就係其中一個喇... 唔知仲會有幾多個人對我係咁既呢~? ^_^

我要檢舉
台長： 開心寶寶 ☆_☆

您可能對以下文章有興趣

人氣(71) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文