本來今日收工去打麻雀架… 不過~ 隔離班同學唔得閒,, 所以就同老師同埋同學仔去左唱K, 同學仔六點有事就走左, 因為老師約左朋友, 所以我地唱到七點都走人LU, 之後我就再約番同學仔出黎睇戲食飯, 由於佢仲未OK, 所以我就由尖沙咀慢慢行番去旺角, 原來都唔洗好耐時間~ 之後我仲入左商務睇書, 睇左好耐呀~ 仲睇左好多書添, 發覺左原來商務係一個咁好打發時間既地方~ 我諗我有時間都會好似D人咁樣去睇免費書LU~ 哈哈~
之後差唔多八點半同學仔就OK喇, 本來話去又一城食飯, 唔睇戲架喇, 上到地鐵既時候~ 同學仔不停咁摸個袋, 不停搵野, 佢係搵個電話囉… 之後~ 就已經發現唔見左… 打唔通喇…. 完全唔知道點樣唔見左囉… 好可憐呀…….. 之後~ 就即刻去logon買紙筆墨寫授權書, 再搭的士去九龍城和記啦… 點知佢又話要身份証副本, 咁就又搭的士番屋企搵啦… 好在又搵到喎, o個陣時都已經成9:35… 而九龍城o個間9:30已經收左.. 所以就搭的士出番旺角o個幾間收十點既鋪頭.. 出到去都成9:50… 最搞笑係去左近旺角中心o個間, 大家都唔知道o個度有間和記, 仲要係兩個傻婆到左門口隔離一個鋪位都望唔到間野囉… 完全大家都盲左咁…. 一坐底即刻就去搞番張咭同埋出番部電話… 之後大家先至停頓落黎…. O個陣都差唔多成十一點囉….
大家就去尖沙咀和民食飯, 今次去左另外一間~ 我未去過呢間架… 大家食飯傾計傾到成點幾鐘, 之後就走人喇… 而同學仔既朋友o係旺角, 但係因為冇車搭又唔係趕住又唔想搭的士既關係~ 所以又再一次行番去旺角喇…. 平時好日都唔會行, 但係今日我就連續行左兩次囉~ 好特別呀…
跟住同學仔見到朋友之後~ 我就去搭van仔番屋企lu~ 番到屋企都成2:00喇…
今日完全係覺得同學仔好可憐囉….. 佢部電話用左未夠一個月架…. 好慘…好可憐呀…. 點解咁架~!??! 不過~ 我都已經不停咁叫佢唔好成日講住…唔好成日諗架喇….. 唉… 冇野既…. 希望佢破財消災啦…..!
在此特別希望黑仔運從今天起快快離開………
p.s. 而家已經好夜(早)喇…. 要快快訓覺覺喇…… ^_^
文章定位：
