24h購物| | PChome| 登入
2003-09-02 21:34:24| 人氣35| 回應0 | 上一篇 | 下一篇

打風日...

推薦 0 收藏 0 轉貼0 訂閱站台

今日一早就已經係1號風球, 之後十點八就3號風球, 到左十二點零就話兩個鐘內會8號風球, 公司都比我地收工LU~ 咁我地個個即刻走人啦, 事關琴日美國放假又冇e-mail, 冇咩野做, 幾好呀~! 呢個風都黎得幾合時呀~! ^_^

走左冇耐… 二點四就掛左8號LU~~
而我就去左荷里活搵埋屋企人, 食左野之後就諗住齊齊搭的士番屋企… 點知多人到飛起呀~ D人個個都排隊等小巴, 佢地打晒蛇餅囉, 有成三/四個圈呀~ 真係未見過咁多人等車囉~ 而等的士既人又係多到飛起~ 總之就四維都係人啦~! 我地都要尊登CALL的士先有車呀~ 真係都幾誇張~

番到屋企都冇咩特別野做, 睇下書, 上下網咁囉~ 不過望出街又冇咩打風FEEL喎.. 風平浪靜咁, 不過~ 亞媽同亞哥都話因為唔係吹正呢面風咋喎….

夜晚落街食完飯(八點二)番屋企就已經打到9號風球喇~! 之後望出街就見到D樹吹到飛起, 真係好大風~ 又橫風橫雨~~ 好利害囉~!

唔知一陣會唔會掛埋10號, 如果會既話就一日掛晒咁多個風球喇….. 之前應該冇試過一日掛晒喎….!

不過~ 原來對上一次掛9號風球已經係4年前既事喇… 明明好似冇4年咁多架喎…點解好似唔係過左好耐咁既……. 唔通真係快樂不知時日過….?

呢個風黎又黎得快, 所以應該走都會走得快…. 聽朝多數都係要番工架喇~ 都冇咩特別望聽日唔洗番囉…! 其實~ 今日都已經有半日假期~ 都覺得足夠LU~ 因為人係要知足才會常樂嘛~~ 哈哈~! ^_^

我要檢舉
台長： 開心寶寶 ☆_☆

您可能對以下文章有興趣

人氣(35) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文